Video
Read full review
2021-07-29
46 views
放假去長洲放鬆下， 見到一間幾有人氣嘅Cafe 。即使暑假平日去都幾多人，等咗一陣先坐到入面嘅卡位，但係值得一試嘅。 內在環境以簡約同埋木系為主，餐廳出面亦有檯櫈，不過天氣熱 有風扇都想進室內多啲。餐廳主打全日早餐、班尼迪蛋、焗薯，唔似其他餐廳有埋意粉、意大利飯咁。不過，主打嘅款式就特別多，單係班尼迪蛋已經有幾款，味道同份量都有驚喜。Deluxe All Day Breakfast $168No.11 Deluxe芝士牛油焗龍蝦豪華豐富早餐，2 個人分享都可以，而且價錢合理。平時食All day breakfast比較少見有龍蝦，仲有煙三文魚。當然唔少得基本嘅牛角包、大啡菇、焗豆、炒蛋、煙肉、香腸、芝士焗蕃茄同沙律。 龍蝦唔算大隻，但唔會有太濃味醬料，保持原汁原味。滑蛋非常香滑，大啡菇厚肉多汁。沙律有少少果醬，酸酸甜甜，幾開胃。煙肉煎得剛剛好，唔會過硬。全日早餐亦有改進地方。焗豆帶微暖，香腸略為燶邊，牛角包超大個，但係唔太脆口，可能係因為我哋最後先食佢。 不過，整體上都幾滿意，相信係市區好少有咁豐富又抵食嘅全日早餐。Balcon Eggs Benedict$88 賣相吸引，有2 隻班
放假去長洲放鬆下， 見到一間幾有人氣嘅Cafe 。即使暑假平日去都幾多人，等咗一陣先坐到入面嘅卡位，但係值得一試嘅。 
內在環境以簡約同埋木系為主，餐廳出面亦有檯櫈，不過天氣熱 有風扇都想進室內多啲。
餐廳主打全日早餐、班尼迪蛋、焗薯，唔似其他餐廳有埋意粉、意大利飯咁。不過，主打嘅款式就特別多，單係班尼迪蛋已經有幾款，味道同份量都有驚喜。
Deluxe All Day Breakfast $168
No.11 Deluxe芝士牛油焗龍蝦
豪華豐富早餐，2 個人分享都可以，而且價錢合理。平時食All day breakfast比較少見有龍蝦，仲有煙三文魚。當然唔少得基本嘅牛角包、大啡菇、焗豆、炒蛋、煙肉、香腸、芝士焗蕃茄同沙律。
龍蝦唔算大隻，但唔會有太濃味醬料，保持原汁原味。滑蛋非常香滑，大啡菇厚肉多汁。沙律有少少果醬，酸酸甜甜，幾開胃。煙肉煎得剛剛好，唔會過硬。
全日早餐亦有改進地方。焗豆帶微暖，香腸略為燶邊，牛角包超大個，但係唔太脆口，可能係因為我哋最後先食佢。 不過，整體上都幾滿意，相信係市區好少有咁豐富又抵食嘅全日早餐。
Balcon Eggs Benedict$88
賣相吸引，有2 隻班尼迪蛋，好嫩滑，流出蛋汁，其中一隻蛋汁更為爆滿，麵包係用近排受歡迎嘅酸種麵包。
Post
