Video
Read full review
2021-03-27
139 views
山林道開咗好幾間Cafe，今日就去咗嗰度搵食，揀咗間以黃色為主色嘅Cafe，名為The Frequency食午餐。餐廳格局簡單、清新而且明亮，給人休閒舒服嘅感覺。由入餐廳到結帳，侍應很有禮貌，而且服侍也很周到。牛尾湯雖然是餐湯，但係份量絕不少。味道濃郁得來又冇傳統嘅咁稠身，飲落好舒服，除咗有雜菜外，還有牛尾粒可以咀嚼下。蟹肉忌廉菠菜意粉意粉軟硬適中，忌廉汁Creamy 得嚟又唔會膩，蟹肉香甜，BB菠菜份量多。啖啖蟹肉碎夾埋BB菠菜撈埋啲忌廉汁同意大利粉一口一口咁食，感覺好豐富，好滿足。周打蜆湯配農夫包雖說是前菜，但兩個人share都食唔晒。農夫包焗得勁脆卜卜，沾上非常濃郁可口而且材料甚為豐富嘅周打蜆湯真係食到舔舔脷😋如果叫套餐可另加$25就可以飲到大大杯價值$40嘅拿鐵☕️，真係幾抵，即使係原價，亦都唔貴。抹茶拿鐵和朱古力拿鐵各有千秋，抹茶味或朱古力味都非常之出，而咖啡沒有酸澀味，容易入口，單看拉花嘅細緻就可以感受到調配咖啡師嘅細心和功力， 真係有啲唔捨得飲，唔想破壞咁靚嘅拉花！整體感覺，無論舒適度、食物質素或侍應嘅態度都值得比讚。原來The frequency 嘅理念係透過舒適嘅空間和
餐廳格局簡單、清新而且明亮，給人休閒舒服嘅感覺。由入餐廳到結帳，侍應很有禮貌，而且服侍也很周到。
牛尾湯
雖然是餐湯，但係份量絕不少。味道濃郁得來又冇傳統嘅咁稠身，飲落好舒服，除咗有雜菜外，還有牛尾粒可以咀嚼下。
蟹肉忌廉菠菜意粉
意粉軟硬適中，忌廉汁Creamy 得嚟又唔會膩，蟹肉香甜，BB菠菜份量多。啖啖蟹肉碎夾埋BB菠菜撈埋啲忌廉汁同意大利粉一口一口咁食，感覺好豐富，好滿足。
周打蜆湯配農夫包
雖說是前菜，但兩個人share都食唔晒。農夫包焗得勁脆卜卜，沾上非常濃郁可口而且材料甚為豐富嘅周打蜆湯真係食到舔舔脷😋
如果叫套餐可另加$25就可以飲到大大杯價值$40嘅拿鐵☕️，真係幾抵，即使係原價，亦都唔貴。抹茶拿鐵和朱古力拿鐵各有千秋，抹茶味或朱古力味都非常之出，而咖啡沒有酸澀味，容易入口，單看拉花嘅細緻就可以感受到調配咖啡師嘅細心和功力， 真係有啲唔捨得飲，唔想破壞咁靚嘅拉花！
整體感覺，無論舒適度、食物質素或侍應嘅態度都值得比讚。原來The frequency 嘅理念係透過舒適嘅空間和用心製作嘅食物來連結客人。我想講：你哋做到啦✌️我會再次嚟幫襯㗎😃
Post
