Video
Read full review
2021-06-05
83 views
約左朋友食飯吹水, 朋友想食日本野. 於是帶佢黎左元朗中心鬧市中，旺中帶靜既九丁目，餐廳外面佈置得像日本的小街，值得打卡既地方。 餐廳座位寛敝，座位相隔比較遠,，所以坐得比較舒服。 坐好後剛好看見一張poster，原來餐廳有日本拍賣「祭」，我估類似日本漁鮮市場拍賣。拍賣食材，價高者得。只有星期六日和公眾假期有，等我下次星期六日去感受下氣氛先！ 好肚餓，唔多講，上菜!! 我地叫先個蟹籽沙律，蟹籽多到滿瀉，溝埋沙律醬食，好開胃。 來得食日本野，緊係要食手卷及壽司，叫左軟殼蟹手卷、三文魚和八爪魚壽司。大大隻軟殼蟹，炸得好香脆。每件壽司大小剛剛好, 一口一件，三文魚新鮮，八爪魚好有咬口，唔錯唔錯！ 然後叫左牛肉壽喜燒，店員會先拎埋個gas爐，再整鍋上加熱。店員好細心提點我地要小心熱，唔好掂個煲蓋，好貼心！鍋裏面有冬菇、豆腐、菜和牛肉。湯底比較濃味，主角牛肉有牛味，沾埋生雞蛋食，更加嫩滑！ 天氣熱, 比較想食辣野，叫左辣芝士濃湯海鮮手打烏冬。湯底芝士味好重，可能有芝士既關係，辣味冇想像中
餐廳座位寛敝，座位相隔比較遠,，所以坐得比較舒服。
坐好後剛好看見一張poster，原來餐廳有日本拍賣「祭」，我估類似日本漁鮮市場拍賣。拍賣食材，價高者得。只有星期六日和公眾假期有，等我下次星期六日去感受下氣氛先！
好肚餓，唔多講，上菜!!
我地叫先個蟹籽沙律，蟹籽多到滿瀉，溝埋沙律醬食，好開胃。
來得食日本野，緊係要食手卷及壽司，叫左軟殼蟹手卷、三文魚和八爪魚壽司。大大隻軟殼蟹，炸得好香脆。每件壽司大小剛剛好, 一口一件，三文魚新鮮，八爪魚好有咬口，唔錯唔錯！
然後叫左牛肉壽喜燒，店員會先拎埋個gas爐，再整鍋上加熱。店員好細心提點我地要小心熱，唔好掂個煲蓋，好貼心！鍋裏面有冬菇、豆腐、菜和牛肉。湯底比較濃味，主角牛肉有牛味，沾埋生雞蛋食，更加嫩滑！
天氣熱, 比較想食辣野，叫左辣芝士濃湯海鮮手打烏冬。湯底芝士味好重，可能有芝士既關係，辣味冇想像中咁辣，海鮮足料，有青口、蝦、扇貝，仲有流心蛋。手打烏冬爽滑，份量適中。
最後叫左個串燒五品盛, 因為可以試多d唔同味道既串燒，每串都係二人份量。雞翼好細心咁串起，方便直接食，肉多汁而且唔會太油膩。帆立貝鮮甜，煙肉卷和冬菇燒得剛好，雞肉棒內加入左雞軟骨，增加口感！
Post
