Mami Cook (Closed)

九龍城新發現，原來除咗食泰國菜之外仲有其他選擇⋯⋯韓國菜。哩間只做外賣不設堂食嘅韓國舖頭叫Mami cook by Kim’s Korean Food Store。舖頭唔係好大，直入店內放置個雪櫃擺放店主自己醃製嘅韓國前菜（類似韓國街買緊嗰啲）有泡菜，蘿蔔粒，蘿蔔絲，菠菜，小薯仔，炒蘑菇，堅果魚仔，辣青瓜粒，生醃八爪魚，生醃魷魚，芽菜，蛋捲......。雪櫃旁邊擺放紫菜飯卷。我第一次試唔敢買好多，只係買咗泡菜，蘿蔔絲，蛋捲，兩條紫菜飯卷，泡菜豆腐湯，泡菜煎餅，甜辣炸雞。由於好多外賣，落單後都要等30分鐘（好食都值得等👍🏻）由於佢係自家製，食物唔會太過濃味，我食過韓國街啲泡菜，太濃味，食完都會覺得好口渴，哩度吾會，我覺得好好味。甜辣炸雞好入味，一盒有15件，我都忍唔住一個人食咗五件😋。價錢唔貴👍🏻下次可以試其他嘢食