Video
Read full review
2018-06-23
111 views
避風塘炒蟹（＄388）4星呢個蟹一上菜既時候已經聞到非常香啦，而食落口味道當然都無令我地失望啦！餐廳非常周到，蟹殻已經幫我地拆好哂，最最最好食就一定係蟹蓋入面炸好哂既蟹膏，脆口得黎又惹味，用黎送白飯一流呀。至於仲有個一粒星點解唔見左呢？就係因為我同朋友都唔太食得辣，覺得個蟹有少少辣，但其實都可以入到口既，食得辣既朋友一定要叫啦！脆皮德國咸豬手（＄288）5星講返先，我本身就麻麻地食豬手既，不過個晚朋友想食就一於試下啦！唔試由至可，一試就不食不可！因為一直覺得咸豬手太咸，好難入口，但呢到既咸豬手就唔單止keep到豬手本身既咸味，仲可以令到豬肉更加香口。食之前就點左佢提供既醬汁，酸酸地，類似點泰國生蝦既醬汁，而豬手一食落口，先係食到豬肉既嫩滑，然後先有一陣咸味，味道層次非常有趣，亦同出面食到既豬手非常唔同，推翻左我對咸豬手本身既負面印象，絕對可以話係整得好食過出面德國餐廳既咸豬手，所以大推呢個。冰陣菠蘿（＄0）可能老闆見我地幾個好乖咁食哂5個餸，（全部都無剩架！）佢就送左一盤菠蘿俾我地，實在太nice太friendly啦，而D菠蘿仲要非常鮮甜大舊。平時我係一個絕對港女（鐘意食日本野），唔太
避風塘炒蟹
$388
7 views
0 likes
0 comments
避風塘炒蟹
（＄388）4星
呢個蟹一上菜既時候已經聞到非常香啦，而食落口味道當然都無令我地失望啦！
餐廳非常周到，蟹殻已經幫我地拆好哂，最最最好食就一定係蟹蓋入面炸好哂既蟹膏，脆口得黎又惹味，用黎送白飯一流呀。
至於仲有個一粒星點解唔見左呢？就係因為我同朋友都唔太食得辣，覺得個蟹有少少辣，但其實都可以入到口既，食得辣既朋友一定要叫啦！
脆皮德國咸豬手
$288
4 views
0 likes
0 comments
脆皮德國咸豬手
（＄288）5星
講返先，我本身就麻麻地食豬手既，不過個晚朋友想食就一於試下啦！唔試由至可，一試就不食不可！因為一直覺得咸豬手太咸，好難入口，但呢到既咸豬手就唔單止keep到豬手本身既咸味，仲可以令到豬肉更加香口。食之前就點左佢提供既醬汁，酸酸地，類似點泰國生蝦既醬汁，而豬手一食落口，先係食到豬肉既嫩滑，然後先有一陣咸味，味道層次非常有趣，亦同出面食到既豬手非常唔同，推翻左我對咸豬手本身既負面印象，絕對可以話係整得好食過出面德國餐廳既咸豬手，所以大推呢個。
冰陣菠蘿（＄0）
可能老闆見我地幾個好乖咁食哂5個餸，（全部都無剩架！）佢就送左一盤菠蘿俾我地，實在太nice太friendly啦，而D菠蘿仲要非常鮮甜大舊。平時我係一個絕對港女（鐘意食日本野），唔太鐘意食中菜，覺得中菜一定好悶好無新意，但今次呢間真係出於我意料之外，每個餸都好驚喜，價錢亦都合理親民，4個人埋單都係＄1339，而且味道、調味又有大師級既風範，所以下次再想食住家飯既時候，一定會再帶朋友家人黎試。
懷舊糖心皮蛋＄５８ ☆☆☆☆
就甘望個賣相真係唔多靚，但一食落去，即刻打開哂我既胃口，我食過好多間既皮蛋，一係就太辣，一係就太酸，再唔係就無咩味道，但我好中意呢個醬汁，佢做到辣同酸的味道平行，食落去辣同酸岩岩好，唔太辣但個酸度亦夠哂開胃。
薑蔥大連飽魚鶢煲
$198
3 views
0 likes
0 comments
我真心要推介呢個好好味既薑蔥大連飽魚鶢煲＄１９８ ☆☆☆☆☆
真係無得輸，呢個煲超足料！我地四個人食，一人一隻飽魚，講真，係出面買個Ｄ飽魚仔一隻都差唔多要成五十幾蚊，淨係食佢個四隻飽魚都回本，仲要隻飽魚易入口，又鮮甜，加埋Ｄ雞既配搭一流，雞肉鮮甜嫩滑，又無雪藏味，食得出係新鮮雞，而醬汁完全同雞肉合二為一，夠哂味道但又唔太咸，唔似出面食個Ｄ雞肉甘，肉同汁既味道分開，唔入味。呢個煲無論係飽魚、雞肉同醬汁都做得好出色，值得一試！
好搞嘢啫啫通菜煲
$118
13 views
0 likes
0 comments
好搞嘢啫啫通菜煲＄１１８ ☆☆☆☆ 聽到呢個名都好想試下個煲究竟有幾搞嘢，因為個菜名吸引左我地，所以就叫左嚕。個菜一黎到，侍應就同我地介紹個菜，特別之處就係用左年糕同通菜一齊煮。真係好新奇！年糕同通菜既配搭我都係第一次試，食落口又真係幾好味幾夾。年糕軟綿煙韌，口感不膩，平時食個個Ｄ菜既煲，食到底好多油，好唔健康，但呢個煲好少油，唔太咸，好有水準！
Post
