Video
Read full review
2021-08-05
238 views
本身諗住打電話book位，點知原來係不設訂座，6點9左右嚟到都仲有位～門口見到期間限定嘅menu，係黑松露主題🤤。除咗有set menu，當然唔少得本身嘅a la carte menu啦😍餐廳，播住歌，令人好享受～我哋嗌咗Set for 2麵包：Sour bread🍞大約有五塊，味道微酸，外層較硬，內層鬆軟，好有咬口。因為我唔鍾意黑醋太酸，友人表示配上黑醋橄欖油，簡直係絕配。前菜：吞拿魚牛油果他他🥑精緻嘅擺盤，望落細細碟，但份量都多，加埋紫洋蔥嚟食，味道就變得更加清新😋👍🏻主菜：經典千層麵🍝啱啱新鮮出爐嘅千層麵好香芝士味，每層嘅厚度都好平均，肉醬亦都唔會膩。自製嘅意粉好有口感，肉醬同埋意粉嘅比例好好！主菜：松露巴馬火腿螺絲粉🥓好多塊松露，超級抵食！！！螺絲粉同一般嘅唔同，手工製偏煙韌，煮嘅時候唔會好耐，粉身唔會好淋，增加食趣。切成細細粒嘅巴馬火腿令到成個意粉增加左一種同松露味好夾嘅鹹香。中意巴馬火腿同松露嘅朋友一定要試喇！☺️飲品：Red Wine🍷 個set menu 加60蚊就有house wine揀✌🏻Red或者White~今晚友人就揀左紅酒，杯紅酒唔𢲡喉，入口有陣提子嘅微酸。整體
門口見到期間限定嘅menu，係黑松露主題🤤。
除咗有set menu，當然唔少得本身嘅a la carte menu啦😍
餐廳，播住歌，令人好享受～
我哋嗌咗Set for 2
麵包：Sour bread🍞
大約有五塊，味道微酸，外層較硬，內層鬆軟，好有咬口。因為我唔鍾意黑醋太酸，友人表示配上黑醋橄欖油，簡直係絕配。
Sour bread
23 views
0 likes
0 comments
前菜：吞拿魚牛油果他他🥑
精緻嘅擺盤，望落細細碟，但份量都多，加埋紫洋蔥嚟食，味道就變得更加清新😋👍🏻
吞拿魚牛油果他他
30 views
0 likes
0 comments
主菜：經典千層麵🍝
啱啱新鮮出爐嘅千層麵好香芝士味，每層嘅厚度都好平均，肉醬亦都唔會膩。自製嘅意粉好有口感，肉醬同埋意粉嘅比例好好！
經典千層麵
40 views
0 likes
0 comments
主菜：松露巴馬火腿螺絲粉🥓
好多塊松露，超級抵食！！！螺絲粉同一般嘅唔同，手工製偏煙韌，煮嘅時候唔會好耐，粉身唔會好淋，增加食趣。切成細細粒嘅巴馬火腿令到成個意粉增加左一種同松露味好夾嘅鹹香。中意巴馬火腿同松露嘅朋友一定要試喇！☺️
松露巴馬火腿螺絲粉
19 views
0 likes
0 comments
飲品：Red Wine🍷
個set menu 加60蚊就有house wine揀✌🏻Red或者White~今晚友人就揀左紅酒，杯紅酒唔𢲡喉，入口有陣提子嘅微酸。整體嚟講60蚊有咁嘅質素真係好抵！
飲品：Italian Passion🍹
熱情果梳打～好fresh😆唔錯🤣
Italian Passion
22 views
0 likes
0 comments
甜品：Tiramisu
起初以為係得一舊細細件嘅tiramisu，點知原來係咁大杯🤣兩個人share食一啲都唔過份😂🙈味道亦都好傳統，雖然蛋糕偏甜，但係連埋上層帶有少少苦嘅可可粉一齊食，完全中和左啲甜味！
Tiramisu
24 views
0 likes
0 comments
甜品：Panna Cotta
意式奶凍本身好重牛奶味！加埋表面嘅mixed berries sauce就更加有層次！微微嘅酸味真係愈食愈開胃，口腔有種清新嘅感覺，完滿劃上今餐dinner嘅句號！🥰
Panna Cotta
18 views
0 likes
0 comments
Post
