Reserva Ibérica Tapas Bar & Restaurant (灣景中心) (Closed)

Reserva Ibérica Tapas Bar & Restaurant係位於灣仔嘅一間西班牙餐廳，今次到訪係為咗試一試佢哋午餐時段嘅半自助套餐💕餐廳嘅環境都幾有特色，戶外有藤椅千秋同埋梳化位俾人打卡，影相都相當之唔錯！而且顏色方面都好鮮艷，俾人好有外國嘅感覺。🌟羅勒蕃茄通心粉配蕃茄芝士餅好鍾意食好濃郁嘅蕃茄湯底，今次呢一個蕃茄通心粉嘅蕃茄味就夠濃，而且佢仲加咗啲芝士餅落去增加香味，我都幾鍾意食呢一個通心粉。🌟蟹肉意大利麵配魚子醬蟹肉意大利面本身已經好吸引，蟹肉嘅份量好多，撈意大利麵食非常之均勻，仲要加咗啲魚子醬非常奢侈，魚子醬簡直令到呢一個意粉更加昇華。另外，自助套餐仲有得揀啲唔同嘅食物，竟然俾我見到青椒仔，我最鍾意加埋火腿，連埋啲蔬菜一齊食。仲有得自己keep啲小甜品、小食添，選擇我覺得都幾多，自己鍾意食咩就揀咩嘅感覺真係好好👌🏻