Video
Read full review
2022-10-29
284 views
中午約咗朋友出旺角食飯，時間有限，近近哋去咗朗豪坊搵食。之前喺商場屹立多年嘅老麥竟然執咗，仲開咗間新餐廳「THE PONT」。餐廳門面好靚，係一個秘密花園嘅入口🌸，不過好特別嘅係另一邊廂係髮型屋。入到餐廳入面先發現原來面積好大，呢度每一個角落都係打卡位📸，但佢並唔係少女粉紅系好俗嗰種，反而有啲森林樹木嘅清新感覺🌳，加上座位闊落，坐得舒服。餐廳設有午市套餐，價錢唔算貴喎，幾十蚊有交易，平過唔少樓上Cafe☕️。午餐有六款選擇，如果唔啱食，可以散嗌，其實都只係爭杯嘢飲。西京燒三文魚($108)，呢個係木盤料理Tray Menu，即係一份豐富啲嘅套餐🍱，內容包括主食、牛角包窩夫同埋湯或沙律。是日餐湯係南瓜忌廉湯🎃，味道幾濃，南瓜清甜。燒三文魚柳幾大件🐟，外層燒至微微脆，帶麵豉醬嘅香氣，魚肉嫩滑，一啲都唔腥。底部墊咗菠菜苗沙律🥗，整體係唔錯嘅配搭。意大利芝士牛角窩夫，跟餐嘅窩夫係半份🥐，少少哋啱啱好。窩夫上面係Tiramisu，馬斯卡邦芝士軟滑，咖啡香恰到好處☕️，而甜窩夫本身都好食。日式温泉蛋腩肉有機糙米飯($78)，🍚糙米飯嘅味道同口感都非常出色。日式醬油鹹香突出，再配埋溫泉蛋🍳，濕度得宜，令
中午約咗朋友出旺角食飯，時間有限，近近哋去咗朗豪坊搵食。之前喺商場屹立多年嘅老麥竟然執咗，仲開咗間新餐廳「THE PONT」。餐廳門面好靚，係一個秘密花園嘅入口🌸，不過好特別嘅係另一邊廂係髮型屋。
入到餐廳入面先發現原來面積好大，呢度每一個角落都係打卡位📸，但佢並唔係少女粉紅系好俗嗰種，反而有啲森林樹木嘅清新感覺🌳，加上座位闊落，坐得舒服。
餐廳設有午市套餐，價錢唔算貴喎，幾十蚊有交易，平過唔少樓上Cafe☕️。午餐有六款選擇，如果唔啱食，可以散嗌，其實都只係爭杯嘢飲。
西京燒三文魚
$108
15 views
0 likes
0 comments
燒三文魚柳幾大件🐟，外層燒至微微脆，帶麵豉醬嘅香氣，魚肉嫩滑，一啲都唔腥。底部墊咗菠菜苗沙律🥗，整體係唔錯嘅配搭。
意大利芝士牛角窩夫
8 views
0 likes
0 comments
日式温泉蛋腩肉有機糙米飯
$78
6 views
0 likes
0 comments
日式温泉蛋腩肉有機糙米飯($78)，🍚糙米飯嘅味道同口感都非常出色。日式醬油鹹香突出，再配埋溫泉蛋🍳，濕度得宜，令米粒唔乾身。🐷厚切豬腩肉有四件，肉質夠綿，但肥膏偏重。
暖心蘋果撻配雲尼拿雪糕($58)，🍎蘋果撻真材實料，面頭有一塊蘋果乾，而下低就係醃咗味嘅蘋果肉，打到好蓉，帶少少肉桂香。撻皮好薄，似餅乾，蘋果部份暖暖哋，同雪糕形成對比🍨。
意大利軟芝士咖啡酒忌廉($48)，呢個甜品好特別，第一次見。外層一塊塊嘅有啲似蛋白脆餅，而內裡係軟芝士咖啡酒忌廉🥂，即係提拉米蘇嘅餡，但就咁食有啲溜。不過好彩加咗藍莓醬，酸酸哋，有中和嘅作用。
飲品方面，午餐免費附送凍香茅檸檬特飲🍋，我覺得飲落似鹹檸檬梳打，味道簡簡單單，幾清爽。
總括嚟講，呢間餐廳好高質，佢唔係得個樣嘅打卡店，食物出品色香味俱全，而且仲要性價比高！綜合各方面THE PONT值得推介同再三到訪🌹✨。
Post
