Video
Read full review
2019-06-07
1048 views
去完附近新都城買完嘢，見到有泰國嘢食，諗起好耐都無食就去試下。當然要先叫翻杯飲品，平時飲親椰汁都會肚痛，所以盡量都唔會點叫。但好耐無飲，加上嚟到食泰國嘢餐廳唔飲又好似差咁d嘢，所以都叫嚟試下。椰汁飲落去都清涼，當然無平時20幾蚊杯椰汁咁有椰子味，但用嚟解下渴，食下啫喱都ok。跟住呢樣係基本食泰國菜必叫。d生菜食落去幾新鮮，唔會好似有d鋪頭俾爛嘅生菜人地，整體上幾好，但略嫌個汁有d酸，就算夾住生菜嚟食。所以最好都係唔好加太多汁去食。跟住就嚟到呢個鴨。個汁一流，痴住d鴨肉嚟食，尤其連食胸都覺得好好食。個汁甜甜地好開胃，又唔會太重口味，唔洗撈飯都覺得好掂。叫呢個係因為想食多d菜。好多茶餐廳都會有通菜牛肉，而呢度d牛肉就比出面茶餐廳食厚大概兩倍左右，食落去都好軟，唔會話咬開，通菜亦煮得適中，食落好爽口，但肉就比較少，呢樣就扣分。當然要食翻個飯，叫左個芋頭飯食。d芋頭大概同手指公指頭一樣咁大，唔會太大或太細，加上煮到好軟，所以幾容易入口。而且d飯可能本身有撈芋頭汁，所以粒粒飯食落去好有芋頭味，加上份量都幾大，夠三個人分。最後就叫左個冬陰公湯飲下，本身同屋企人都唔食得辣，所以叫左個小辣試下。個辣度
當然要先叫翻杯飲品，平時飲親椰汁都會肚痛，所以盡量都唔會點叫。但好耐無飲，加上嚟到食泰國嘢餐廳唔飲又好似差咁d嘢，所以都叫嚟試下。椰汁飲落去都清涼，當然無平時20幾蚊杯椰汁咁有椰子味，但用嚟解下渴，食下啫喱都ok。
跟住呢樣係基本食泰國菜必叫。d生菜食落去幾新鮮，唔會好似有d鋪頭俾爛嘅生菜人地，整體上幾好，但略嫌個汁有d酸，就算夾住生菜嚟食。所以最好都係唔好加太多汁去食。
跟住就嚟到呢個鴨。個汁一流，痴住d鴨肉嚟食，尤其連食胸都覺得好好食。個汁甜甜地好開胃，又唔會太重口味，唔洗撈飯都覺得好掂。
叫呢個係因為想食多d菜。好多茶餐廳都會有通菜牛肉，而呢度d牛肉就比出面茶餐廳食厚大概兩倍左右，食落去都好軟，唔會話咬開，通菜亦煮得適中，食落好爽口，但肉就比較少，呢樣就扣分。
當然要食翻個飯，叫左個芋頭飯食。d芋頭大概同手指公指頭一樣咁大，唔會太大或太細，加上煮到好軟，所以幾容易入口。而且d飯可能本身有撈芋頭汁，所以粒粒飯食落去好有芋頭味，加上份量都幾大，夠三個人分。
最後就叫左個冬陰公湯飲下，本身同屋企人都唔食得辣，所以叫左個小辣試下。個辣度完全可以接受。湯味係ok，但蝦好似先得兩隻。
見其他留這言服務態度差，又唔係好見，隔嚟枱食薰魚太大煙想調位都即刻幫我地安排，亦都好主動幫我地加水，係埋單嘅速度慢左d。
上面嘅份量係三個人食，食到好飽，亦有少少食唔唒，497蚊埋單。
Post
