聚聚 (Closed)

有咩開心得過一班人一齊聚吓食飯， 今次約咗朋友仔去屯門一齊 開大餐 ， 今次個餐廳好特別，個名叫做聚聚去到晚飯時間佢哋已經好多人排隊等緊💖•一班人一齊食飯最開心就可以叫到一枱都係嘢食，你睇吓我叫咗幾多嘢食就知有幾開心啦💖睇佢哋個Menu嘢食樣樣都好食😊揀咗個🥣椰皇雞燉珍寶花膠，花膠夠大塊，個湯椰味勁香，然後嚟咗個開胃嘅前菜🧡百香金柚白玉，其實就係帶子然後配上百香果嘅汁超開胃仲有啲柚子喺旁邊，酸酸甜甜我自己好鍾意💖然後仲有啲餐前嘅小食就係🚬土豪雪茄春卷，係雪茄嘅造型入邊其實蝦春卷，份量十足啖啖蝦肉，眼前一亮煙燻雞🐔，一嚟到先至再打開蓋煙燻香味散發全枱，🍍焦糖菠蘿咕嚕肉，我自己超鍾意呢個每一件咕嚕肉都脆卜卜，然後又甜而不酸，🍍火焰菠蘿炒飯呢一個係超級啱打卡嘅，因為一嚟到成個菠蘿就點着佢一直燒，等到佢識咗之後先至再打開蓋，yum yum ! 最後就揀咗🍐不一樣的梨🍐 做甜品，個賣相超級之靚囉，同埋睇落已經覺得好好食一打開過嚟入邊係有啲好似燕窩，做今日嘅晚餐最後一款食物係超級之正嘅💖💖