靚煲皇 (Closed)

之前同事推薦這家Supreme Hot Pot，聽佢講呢間餐廳D菜式好好味，難得今日休息所以過黎品嘗一下，餐廳裝修精緻，環境舒適，座位也比較寬敞。韭菜花炒牛脷牛脷夠軟腍, 唔韌, 切到一條條易入口又有咬口，韭菜花翠綠唔老, 咬落無渣, 鍾意韭菜花既人一定好喜歡，而且用豆豉炒好香好惹味, 食落好醒胃。家鄉腐皮卷外表又係香口野, 唔好諗住個腐皮吸晒D油好肥膩, 但實際係好乾身脆口, 入面包左D肉碎, 厚實飽滿, 食落個皮仲索索聲, 好好味。火焰霸王豬手煲他們用酒和火即場燒起來,所以入口味道特別香濃，好香口的一道小菜,豬手十分有膠質,感覺滋補又美味。