Video
Read full review
2021-12-09
2106 views
網上睇到呢間位於佐敦既方太糕品舖，專賣糕點既，有一系列既大家都耳熟能聞傳統既中式糕點，有紅豆糕，綠豆糕等等，網上都話要排好耐好耐，大約要排一小時，聽到都有ＤＤ誇張。話說我上星期都有黎度呢間，不過排左５分鍾就走，因為趕時間，等左５分鍾都無郁過條隊，目測前面有廿人，所以都係走。今日我又黎到呢度，因為好想試下究竟有幾好味，加上今日（星期六），夜晚無約人，所以決定慢慢排。一去到，差不多下午５點半左右，目測超過２５人，所以都預左１個鍾走唔甩。結果排了４５分鍾，都算比預期快ＸＤ我要左一條芝麻卷，一個眉豆糕，一個椰汁紅豆糕，一個馬荳糕。芝麻卷３０蚊１條，其餘３件其１８蚊，埋單４８蚊。舖頭哥哥問我要唔要買多２件，可以送個盒，我就話唔洗，因為拎返屋企都即食。先講芝麻卷，佢係一條好長既卷，舖頭哥哥幫我剪成８小件。芝麻卷除左有好重黑芝麻味，內裡仲有好多細白芝麻，豐富口感。而且味道唔算好甜，我就最鍾意，因為好怕得個甜字，咩其他味都食唔到。加上芝麻卷口感有彈牙既感覺，食落好有咬口，原本都怕食一卷會唔會太多，但我地２個人好快就食完一條了。至於另外個３件糕點，相比起岩岩個條芝麻卷，有一點點失色。馬荳糕好似無咩味道，
話說我上星期都有黎度呢間，不過排左５分鍾就走，因為趕時間，等左５分鍾都無郁過條隊，目測前面有廿人，所以都係走。
今日我又黎到呢度，因為好想試下究竟有幾好味，加上今日（星期六），夜晚無約人，所以決定慢慢排。
一去到，差不多下午５點半左右，目測超過２５人，所以都預左１個鍾走唔甩。結果排了４５分鍾，都算比預期快ＸＤ
我要左一條芝麻卷，一個眉豆糕，一個椰汁紅豆糕，一個馬荳糕。芝麻卷３０蚊１條，其餘３件其１８蚊，埋單４８蚊。舖頭哥哥問我要唔要買多２件，可以送個盒，我就話唔洗，因為拎返屋企都即食。
先講芝麻卷，佢係一條好長既卷，舖頭哥哥幫我剪成８小件。芝麻卷除左有好重黑芝麻味，內裡仲有好多細白芝麻，豐富口感。而且味道唔算好甜，我就最鍾意，因為好怕得個甜字，咩其他味都食唔到。加上芝麻卷口感有彈牙既感覺，食落好有咬口，原本都怕食一卷會唔會太多，但我地２個人好快就食完一條了。
至於另外個３件糕點，相比起岩岩個條芝麻卷，有一點點失色。馬荳糕好似無咩味道，唔似有咩豆味。眉豆糕就有豆味，但好似無咩特別之處。至於椰汁紅豆糕，睇得出花時間同心機整，但食唔到有椰汁味，反而紅豆味好出，可能紅豆糕會好味。
總括黎講，芝麻卷係必食。其他就睇自己喜好
Post
