御前大江戶日式料理 (Closed)

估唔到觀塘都有咁好食既放題，CP值超高。佢除了一般放題有既刺身壽司，熱食之外，仲有爐端燒可以比你燒烤。呢度既好處係用ipad落單，唔駛等人黎收紙，而且店員服務態度好好，仲會過黎教你點燒同幫手。刺身大約十款左右,全部都好新鮮，壽司選擇亦有很多種類，生既熟既都有，細細件一啖一件，唔驚太飽食唔到其他，連平時比較少既左口魚壽司都有。飲品款式亦很多，除左一般汽水，啤酒，仲有提子酒，涼茶，鮮橙汁。爐端燒加一位$60有個海鮮拼盤，有燒蟹蓋，蟶子，扇貝，蠔同鮑魚，如果唔加都有蝦，毛蟹，活刀貝，黃金螺同大蜆可以燒，所有燒烤都好味唯獨毛蟹有d咸。其他熱食亦好多種類及味道很好，即使泰式食物亦唔會做得唔好味，值得推介既放題。