Zappy (Closed)

今晚同朋友黎銅鑼灣食晚餐，揀左呢間西餐廳。呢到環境唔錯，燈光昏暗配柔和音樂，好岩情侶或者朋友黎傾下計。我地叫左煙三文魚意大利燉飯、咸蛋黃薯條同無花果橙沙律。首先黎左沙律😋好似第一次食新鮮無花果，配埋香橙感覺好清新，仲加左d核桃碎，好特別，同出面食過既唔同。咸蛋黃薯條新鮮炸起，熱辣辣好香脆，淡淡既咸黃味好惹味。最後黎既係意大利燉飯，一睇就覺得好creamy，飯上面加左三文魚籽，配埋飯食口感好特別🤤呢間餐廳係時代廣場附近，但商場地點人流相對比較少，不過呢到既食物質素、環境、服務態度都中上，值得推介！