許記麵家

Open Now

Now Closed

由於人住大埔的關係，成日都可以係大埔食野，而大埔區美食又咁多，變左近屋企而例牌要排隊果d 餐廳我就唔去住🙈 難得今晚不能食太飽（要去gym room), 就決定同honey 黎呢間，每次見到都要排隊既許記麵家。街坊小店，menu 一眼睇晒我揀左招牌花雕醉雞麵，之前聽過朋友講話好食，所以一直都好想試，今次終於如願以償了雞肉鮮嫩而結實，花雕酒既汁完全滲入雞肉裡面，食落好香酒味，而且煮得夠林好易咬，口感好好。推介而honey 就揀左佢最鍾意食既雲吞河雲吞河好有舊式粉麵店既風味。雲吞有肉有蝦，足料又新鮮，真係名符其實既皮薄餡靚。而最驚喜既 莫過於呢個香草豬扒，炸完熱辣辣即上枱，肉汁鎖住係豬肉入面，口感軟熟唔韌，超好味！下次黎食一定會encore整體而言，性價比極高，以後一定會多d 黎！