碗碗香 (Closed)

今日約左朋友行銅鑼灣，一如平日都係咁人山人海，我同朋友去發掘美食。沿住利園後面恩平道行到加路連山道，原來呢頭都幾多野食，最後揀左呢間碗碗香。店面裝修都算別緻，都有幾好多人食，特別係多青年人之後我選擇困難症病發，侍應就主動推薦清湯牛肉粉，米粉係用貴州空運米粉，正宗整法粗、滑、有彈性、不糊湯。佢講到好似好好味咁，搞到我都好想食，於是就叫左清湯牛肉粉由於第一次食，我又唔係好食得辣，就叫左唔辣。碗嘅大小同其他米線類餐廳差唔多，但係入面嘅材料就差好遠啦～首先牛肉份量十足，有成十舊，比想像中多。咬落去多汁嫩滑，味道同調味幾濃，都幾夠風味。貴州米粉口感有啲似刀削麵，爽口彈牙，但中間唔會有粉嘅感覺。入口出奇地滑同彈牙，口感豐富，新奇但又不失美味。湯底入面有蒜蓉、蔥花、芫茜等，湯底亦十分濃郁入面仲有自家製嘅酸菜，好味又醒胃，又濃又香，正！最後再叫左杯苦丁茶送麵，茶味有少少苦，但之後回甘清涼感更為強烈，味道獨特仲有健康功效，清熱解毒。仲有好多款貴州粉可以揀，有辣有唔辣，好似我咁唔食得辣，叫清湯都係一個唔錯嘅選擇。