羅麥記 (Closed)

同女朋友行街諗唔到食乜😣經過羅麥記被羅麥記模仿校園嘅設計吸引左，見到入面嘅校訓，校歌，作文，書法，獎牌，作品，最令我深刻嘅係入面d凳竟然同我返學嘅一樣加上我已經畢業左一年，好懷念以前返學嘅日子。所以決定入去試一試，由於唔係好肚餓所以只係叫左幾樣小食😋😋。七彩西多士賣相好得！食落去超好味😍值得推介！最搞笑係蝦多士得五件我同女朋友每人食左兩件最後一件都唔知爭左幾耐先食到😂😂好彩蔥圈係雙數如果唔係又爭餐死。下次會試下食晚飯，超想食磚頭焗豬扒飯想講可以免費加其他汁，下次再試。