Mamaday (Closed)

叫咗兩個set lunch，包括"唔好抱咁大期望蒲燒鰻魚蛋包飯"、"虎蝦哈ha橄欖轉香辣扁意粉"、加錢配上" 紫薯窩夫" 、 " 每天都一樣的沙律"香辣扁意粉都幾出色，對我來說都幾辣，但係我鍾意食所以成碟食曬，炒得好乾身又惹味，碟底唔會有油，啱曬重視健康的我，虎蝦又爽又好味，有三隻中型size。鰻魚蛋包飯的鰻幾juicy，飯有足夠份量的醬汁同時又不會太淋。沙律有驚喜，好少見到跟餐沙律有紅桑子，味道份量都幾好， 紫薯窩夫有甜品舖的水準， 香脆有蛋味。我覺得用餐，除了味道之外total experience都好緊要，由找餐廳門口 開始，搵極都搵唔到入口位，餐廳內掛上很多抵死有趣poster，廁所的廁紙捲筒大多是動物造型，餐牌都睇咗很耐， 食物名字很有趣，好鍾意講反話，令人會心微笑。開心有意思的午餐。