安利大排檔 (Closed)

今日天氣好，同老婆去完石澳曬太陽跟住去東大街醫肚，之前食過安利魚旦粉覺得麻麻地，今次試下對面大排檔，排隊人數唔算多，十分鐘就有位。老婆點左墨丸河，我就點左四併撈+忌廉朱古力，少見粉麵鋪有忌廉朱古力諗住試下。唔使幾分鐘就到，效率真高。先講撈麵，幾爽幾彈牙，唔會太咸, 黑椒牛丸好味，本人認為加少少辣椒油更為惹味，再講忌廉朱古力，味道夠濃夠涷，比好多餐廳更好味。至於老婆點既墨丸河粉，佢話湯底夠清，河粉爽口。總括來說，我比較喜歡大排檔的味道。