豆花譜 (Closed)

去錦田樹屋無意中路經呢間名叫豆花譜食店，我地豆腐花迷見到有豆腐花倆個字梗係好開心啦。當時上午大約十一點幾，店內無人食野，只得我地，一入去就問有無豆花食，有個男人就話：我地既豆花無用石膏做既。嘩！一聽到咁健康既做法我地就好開心咁話要食，老板娘就介紹三種味既豆花比我地。綠茶味，可可味，靈芝味。 $20 一碗原來上層是不同既味，下層是豆腐花，好有特式，綠茶味好香，可可味都好香，靈芝味就感覺唔到，正常既，靈芝本身都無咩味。靈芝咖啡，一盒 $118 有12包，係老板好熱誠咁介紹既，佢話佢研究左多年，已拿左專利，咖啡內加上靈芝，杜仲，黃精，黨參，黃芪，牛膝根等材料，好特別喎　我地要左一杯大家 share 飲，唔錯喎，我地就買２盒，買完先知唔係沖劑，要煲架！ 又唔好意思退貨，唯有搵日去買部咖啡機啦！ 我地諗過，若然好既，以後唔買沖劑，改買呢隻，部機又唔會晒。