Video
Read full review
2024-10-02
632 views
尖沙咀有好多高質素嘅西餐廳，呢一日就聽朋友介紹，嚟到呢間位於文遜大廈三樓嘅Library Restaurant & Bar 嘆好抵食嘅lunch set同埋靚咖啡！餐廳喺地鐵站A2出口出嚟就係，非常方便。呢度裝修好精緻，絕對適合打卡。店員雖然都好後生，但都非常有禮貌。呢度嘅set lunch價錢非常親民，由$108起。我見啱啱出完糧，就一於豪少少，upgrade啲項目啦！龍蝦湯好香，而且味道同口感都好濃，可以話係非常高質素嘅一碗龍蝦湯！如果可以加埋少少龍蝦肉就咁樣好啦！慢煮豬扒賣相非常吸引，肉質因為慢煮嘅原因唔會好嚡，配合埋啲芒果同埋桃一齊食非常refreshing。絕對值得加$55 upgrade！Tiramisu造型同樣非常適合打卡，食落去味道更加係有啲似我喺高級義大利餐廳食到嘅水準！咁正嘅tiramisu配埋杯我至愛嘅Flat White咖啡，真係一大樂事！
尖沙咀有好多高質素嘅西餐廳，呢一日就聽朋友介紹，嚟到呢間位於文遜大廈三樓嘅Library Restaurant & Bar 嘆好抵食嘅lunch set同埋靚咖啡！
餐廳喺地鐵站A2出口出嚟就係，非常方便。呢度裝修好精緻，絕對適合打卡。店員雖然都好後生，但都非常有禮貌。
呢度嘅set lunch價錢非常親民，由$108起。我見啱啱出完糧，就一於豪少少，upgrade啲項目啦！
龍蝦湯好香，而且味道同口感都好濃，可以話係非常高質素嘅一碗龍蝦湯！如果可以加埋少少龍蝦肉就咁樣好啦！
慢煮豬扒賣相非常吸引，肉質因為慢煮嘅原因唔會好嚡，配合埋啲芒果同埋桃一齊食非常refreshing。絕對值得加$55 upgrade！
Tiramisu造型同樣非常適合打卡，食落去味道更加係有啲似我喺高級義大利餐廳食到嘅水準！
咁正嘅tiramisu配埋杯我至愛嘅Flat White咖啡，真係一大樂事！
Post
