Video
Read full review
2023-10-24
481 views
之前朋友極力推薦Y Dining 餐廳，我上網睇過，有好多人都讚間餐廳，真心想過嚟試試，今日終於可以同女朋友有時間過嚟試試。先講地點，其實十分之方便，旺角地鐵站A1出口轉右行幾秒鐘就到大廈，餐廳就喺一樓。跟住講下環境，餐廳門口有個位置放咗個套懷舊梳化同擺設，啱哂影相打卡，真係幾有心思，要讚；入到餐廳，座位舒適，枱與枱之間嘅空間好足夠，餐廳設計簡約，唔花巧，唔似出面嘅餐廳咁...枱又細、路又窄！到講下員工服務，我哋一到餐廳門口，員工就第一時間安排座位，遞上餐牌同介紹餐牌，叫order時，我有D特別要求，員工都很有禮貌同耐性幫我去處理，其實我自己都有點唔好意思。到最重要一環，就係食物，食物擺碟唔錯，先講湯，個意大利雜菜湯，飲得出係自家製的，好足料，唔似得有D餐廳咁用罐頭或工場大量製造；我哋小食有炸蠔同蟹肉忌廉薯餅，每樣都有兩件，口感唔錯，仲有少少沙律菜跟埋添；主菜有蜆肉意大利麵同盲曹魚柳，先講個意大利麵，除咗有連殼嘅蜆肉外，原來個意大利麵裡面都有蜆肉，真係啖啖肉（蜆），另一個主菜，係盲曹魚柳，唔係一般急凍魚柳，我問咗餐廳員工，原來係買新鮮魚嚟，廚師逐條魚自己劏，自己起魚柳，嘩！無諗到百多蚊
先講地點，其實十分之方便，旺角地鐵站A1出口轉右行幾秒鐘就到大廈，餐廳就喺一樓。
跟住講下環境，餐廳門口有個位置放咗個套懷舊梳化同擺設，啱哂影相打卡，真係幾有心思，要讚；入到餐廳，座位舒適，枱與枱之間嘅空間好足夠，餐廳設計簡約，唔花巧，唔似出面嘅餐廳咁...枱又細、路又窄！
到講下員工服務，我哋一到餐廳門口，員工就第一時間安排座位，遞上餐牌同介紹餐牌，叫order時，我有D特別要求，員工都很有禮貌同耐性幫我去處理，其實我自己都有點唔好意思。
到最重要一環，就係食物，食物擺碟唔錯，先講湯，個意大利雜菜湯，飲得出係自家製的，好足料，唔似得有D餐廳咁用罐頭或工場大量製造；我哋小食有炸蠔同蟹肉忌廉薯餅，每樣都有兩件，口感唔錯，仲有少少沙律菜跟埋添；主菜有蜆肉意大利麵同盲曹魚柳，先講個意大利麵，除咗有連殼嘅蜆肉外，原來個意大利麵裡面都有蜆肉，真係啖啖肉（蜆），另一個主菜，係盲曹魚柳，唔係一般急凍魚柳，我問咗餐廳員工，原來係買新鮮魚嚟，廚師逐條魚自己劏，自己起魚柳，嘩！無諗到百多蚊一個餐都做咁多功夫，喺魚柳上面嘅泡泡，係用蕃茄清湯造，好靚、好味，食完仲有即磨咖啡，無得輸，同區嚟講...簡直係推介之首選。
最重要嘅係餐廳無時間限制，因爲本人最憎兩類型嘅餐廳：1.嗰D咩60分鐘90分鐘還枱！2.QR code 落單，0 service 但就要收加一服務費！見到尼兩類型餐廳，即時掉頭走！
我再睇埋佢哋A la carte menu同set dinner menu，原來Y Dining 嘅晚餐仲正，下次一定要試埋晚餐，試完晚餐再同大家分享。
意大利雜菜湯+蟹肉忌廉薯餅+香辣欖油意大利麵
$120
16 views
1 likes
0 comments
意大利菜湯+炸蠔+脆煎盲曹魚柳
$140
11 views
0 likes
0 comments
14 views
0 likes
0 comments
Post
