茶芝味 (Closed)

依家愈開愈多芝士奶蓋飲品店，但茶芝味係比較早期我知道既。今日同朋友去葵廣掃街，第一時間就諗起要再去飲。之前試過其他店既芝士奶蓋無呢間甘香濃，😍好中意佢芝士同茶既比例好好，芝士奶蓋夠多，唔會飲到最後無哂奶蓋淨返茶，同埋好中意佢個奶蓋夠"杰"身👍🏻👍🏻👍🏻。我個人比較中意飲佢既Oero芝士宇冶抺茶，抺茶唔會太甜，配埋有少少咸味既芝士奶蓋，非常夾，再加埋Oero 碎係面，令杯野更有層次，又有d 咬口😋😋😋如果中意飲清新d 既朋友仔我推介芝士荔枝烏龍。仲有佢隻杯既開蓋設計好好，令人可以一次過飲到芝士奶蓋同茶👍🏻同埋雖然係飲凍飲，但佢可以話係無冰，所以就算慢慢飲到最後都唔令杯茶變淡😍😍非常注重細節。