車品品小食 (Closed)

上星期行過大角咀，見到勁多人在這小店門口排隊。於是今天折返返來試。試左黑糯米花雕酒豬手、花膠吉品伊麵、鵝肝麵、吉品鮑、超麻不辣米線仔、魚翅撈飯，最後仲食左個無花果雪糕。抵食加勁好食推介是豬手，入味腍滑，啲汁凝固左之後都唔會有白色一點點的油，全碟都係豬手膠，感覺滋補。馳名的吉品及鵝肝麵都係好野！鵝肝麵用鵝油炒，細細碟甘香得來唔會滯，吉品伊麵將吉品切絲炒就少左啲口感，但調味很對我的胃口。好食！最後點晴的無花果雪糕用乾貨製成。奶油雪糕老闆娘堅稱乃全人手打，並非機製。吃下去咬到粒粒脆脆的無花果籽，淡淡清香，為一頓豐盛的晚餐帶來清新。