Video
Read full review
2021-12-02
93 views
.📍甜姨姨私房甜品📍#饅頭去銅鑼灣 #饅頭食日本菜 #饅頭的港味道 #饅頭食甜品去銅鑼灣食冰除咗Shari Shari ，甜姨姨亦係一係好好嘅選擇，仲要係黃店💛，非常值得大家去支持。再次感謝友人為我提供相片😂 (佢影相真係有一手)。------------------------------1️⃣ 醬爆 ($98)因為同Shari Shari開喺同一區，難免會有比較。佢哋嘅刨冰份量大到要兩個人share先食得曬，雪花冰磨得細碎兼富空氣感，但整體口感相對鬆散，食到中間出現少少細硬冰粒，老實講就真係冇Shari Shari咁綿密，達到入囗即溶嘅境界，但都絕對收貨。甜姨姨主打嘅刨冰口味都係比較港式，今次呢款其實就係煉奶mix花生醬，花生醬質地較稀，似平時搽格仔餅嗰款，花生味尚算突出，同煉奶拼埋一齊，脂肪溝糖唔會唔好食🤪，不過整體味道偏甜比較單薄，一個人食曬絕對會覺得漏😬；刨冰上面有一嚿脆口西多，正正常常冇咩特別；入面會有香甜脆身嘅餅乾碎同芝麻，令刨冰口感唔會太過單調，夾塊花生醬，味道上有啲似食緊湯圓餡😋。另外，店家會額外提供一杯煉奶，畀大家食到落底唔夠味時再淋上。----------------
📍甜姨姨私房甜品📍#饅頭去銅鑼灣 #饅頭食日本菜 #饅頭的港味道 #饅頭食甜品
去銅鑼灣食冰除咗Shari Shari ，甜姨姨亦係一係好好嘅選擇，仲要係黃店💛，非常值得大家去支持。
再次感謝友人為我提供相片😂 (佢影相真係有一手)。
------------------------------
1️⃣ 醬爆 ($98)
因為同Shari Shari開喺同一區，難免會有比較。佢哋嘅刨冰份量大到要兩個人share先食得曬，雪花冰磨得細碎兼富空氣感，但整體口感相對鬆散，食到中間出現少少細硬冰粒，老實講就真係冇Shari Shari咁綿密，達到入囗即溶嘅境界，但都絕對收貨。
甜姨姨主打嘅刨冰口味都係比較港式，今次呢款其實就係煉奶mix花生醬，花生醬質地較稀，似平時搽格仔餅嗰款，花生味尚算突出，同煉奶拼埋一齊，脂肪溝糖唔會唔好食🤪，不過整體味道偏甜比較單薄，一個人食曬絕對會覺得漏😬；刨冰上面有一嚿脆口西多，正正常常冇咩特別；入面會有香甜脆身嘅餅乾碎同芝麻，令刨冰口感唔會太過單調，夾塊花生醬，味道上有啲似食緊湯圓餡😋。另外，店家會額外提供一杯煉奶，畀大家食到落底唔夠味時再淋上。
------------------------------
🔸整體評分：7.5/10
🔸小編回頭率：6.5/10
醬爆
$98
9 views
0 likes
0 comments
Post
