珍心

Open Now

Now Closed

本人住北區已有一段時間，發現素食店真係好少，只知道大埔開咗一間似少少樣嘅，但都係比較貴。今日行上水中心發現呢間小店主打素食外賣，即刻試下先。我叫咗個素豬扒便當，藜麥白米粢飯同牛油果豆乳，素豬扒便當都唔錯，好食過出面好多鋪頭，個粢飯同牛油果豆乳都幾好食。粢飯唔太大隻，但料足，牛油果豆乳我要少甜，啱啱好，好香濃。老闆叫我下次要試下佢地嘅豆腐花，話啲豆腐全部都係佢地自己整嘅。中意素食嘅北區友都可以去試下。P.S.老闆話可以Instagram落單之後先過去攞！