小林札幌拉麵

Open Now

Now Closed

我同仔仔去左奧海城行街，老公又咁岩係附近放工，所以就一齊dinner，我地就去左奧運站附近的「小林札幌拉麵」，叫左個特惠二人餐，幾多野食，又抵食，呢間原來開業9年，隱世小店，值得支持。「特惠二人餐」2個主食，4款小食及2罐汽水普通拉麵好大碗，味噌湯底濃，用上北海道拉麵好彈牙，好多配料， 特別多葱花，所以有微微辣，叉燒又大塊，好正宗的拉麵。鰻魚飯鰻魚份量算多，好厚肉又軟腍，醬汁香濃， 米飯軟硬適中， 吸收了鰻魚味道的同醬汁，很香口。吉列蝦炸得好香脆，入面成條蝦肉，啖啖肉，鮮味十足。小食仲叫左燒魚餅，燒多春魚，燒雞翼2串及燒雞軟骨2串，再加送薯仔沙律，全部都味道不錯，小朋友都喜歡食。