放下素 (Closed)

近來不少朋友都因為不同原因而選擇食素，咁我都唔介意奉陪一下，今日來的呢間餐廳就更加別具意義。原來係一間社企，經理（定老闆？）係我哋入嚟嘅時候都特登介紹佢哋餐廳會請一啲殘疾人士，部份員工可能聽唔到，但佢哋都會好盡力去服務。「放下素」個名聽落有少少「禪味」，的確連裝修都帶點佛教氣味，古色古香，以深啡色木材為主。店內和餐具都印有「我願意放下食物服務要求 做福世界」，相信呢個係佢地既宗旨。佢哋仲好環保，請每位客人只用一套餐具（包括兩隻碟、一隻碗、一隻杯），唔會好似平時啲自助餐咁，每拎一次就用一個碟。食物選擇當然不及酒店自助餐，但都有幾十款可選，包括沙律吧、新鮮水果、包點類、炸物、熱葷、蔬菜、齋、飲品和湯等等，用蒸煮炒焗炸不同烹調技巧，務求令消費者有不同口感選擇，食物質素尚可。見到餐廳仲好有心，支持DSE考生可以來免費吃一餐，所以呢啲小店都好值得大家支持呀！