愛家素食 (淘大商場) (Closed)

要搵食齋嘅地方唔難，但係一間堅持全素(Vegan)，煮得健康而價錢又相宜嘅餐廳係非常值得珍惜. 雖然九龍灣近年多了食素嘅選擇，如滴水坊，每日午餐都有美味素食碟頭飯嘅質優美食堂，同Piago內嘅愛心粥品素食，但係我每次去九龍灣，總會去Loving Hut食晚飯支持一下~不太鍾意傳統素食店要茶錢加一嘅規矩，所以我唔介意要自己去買，自己捧餐. 同女友兩個人，本來想要一個飯餐，一份漢堡包，加一件蛋糕，但係剛剛睇左半場令人非常氣憤嘅垃圾港產片，決定化怒火為食量，叫左兩個飯餐：咖哩薯仔洋樂飯($33)同豆腐扒飯($33)，加一份炸紫菜(+$10). 咖哩薯仔洋樂飯:咖喱夠香，薯仔夠淋，素洋肉有咬口，送飯一流. 跟餐嘅小碟醃瓜非常醒胃，南瓜湯夠濃，有粟米粒，以前係大飯桶嘅時候總覺得唔夠飽，而家就覺得剛剛好啦!豆腐扒飯:試過紐約扒，黃金扒，叉燒等，最鍾意嘅始終係最簡單嘅豆腐扒. 喜歡濃味嘅人可能會覺得佢太淡，但係稍煎過之後就陣陣豆香，點碟邊嘅醬或者辣椒醬都好好味! 老黃瓜赤小豆湯味道天然，無加味精. 最值得一提嘅係炸紫菜，一份有大約十塊，薄薄嘅紫菜片炸得香脆，每次嚟都必點~環境非常乾淨，最美中不足嘅可