裕興咖啡 (Closed)

同樣是女漢子的同事來自外地，佢想食港式大排檔，諗起裕興！天氣涼涼地又無落雨，十分適合 😁 我地預早咗時間，不過來到已經 12:15，只剩下幾個座位兼且侍應姐姐話要等食物等 45 分鐘，一場來到當然等啦！我地都不約而同叫鹹牛肉炒蛋丁麵 😋 無令我失望，炒蛋依舊香脆，麵夠彈牙，有椰菜墊底感覺健康少少 😆 奶茶照舊香滑好味。環境雖然唔優雅但係比幾個月前好，一來附近地盤已經起好無咁嘈無咁大塵，二來換了新膠凳，坐得比較穩比較自在。