Video
Read full review
2021-09-02
128 views
減肥係終生嘅事，但都要人性化d，耐唔耐都要放下自己假嘅🌝漢堡呢家野真心邪惡，太多澱粉質油脂仲要有薯條🌚但又真係幾好食咖嘛衰鬼～～～🌞是日拉埋低碳朋友落水，share肥少半嘛！先黎招牌至尊和牛漢堡，大大份就基本咖啦，但d料多款到咁就唔係常見，而且都配合得好好。黑炭包▶黑松露沙律醬▶單面煎蛋▶牛油果▶煎煙肉▶芝士▶大啡菇▶炒洋蔥▶芝士▶和牛▶酸瓜▶番茄▶生菜▶沙律醬▶黑炭包係唔係好誇張😇但其實份量同次序都控制得幾好，配搭豐富得黎唔膩。最明顯係大啡菇同和牛肉汁混合後解到膩又增加到味道層次。開始覺得擺料都係藝術，點樣可以令顧客完整分到又食得唔撈搞呢？🤔☕️第一次見到有黑松露咖啡幾驚伏，先上網睇咗係有呢樣野，再問問店員咩玩法。原來係有款黑松露朱古力可以做咖啡，面層再加咗松露粉。件事我仍然係想像唔到，松露同咖啡，夾咩🌀？拎到手會先聞到黑松露香，前味都明顯係黑松露加泡奶，之後就係莫卡朱古力咖啡味。🍫原來兩種味係唔洗溝埋嘅，互相襯托就ok！夾到好味嘅，同時份量唔算多，減少咗佢可能出現嘅化學變化👩🏻🔬（我覺得份量岩岩好）。話咗大家都減緊肥，都可以有健康之選嘅－原隻龍蝦三文治。🦞滿滿青瓜同生菜絲加啖啖完整
漢堡呢家野真心邪惡，太多澱粉質油脂仲要有薯條🌚
但又真係幾好食咖嘛衰鬼～～～🌞
招牌至尊和牛漢堡
$158
9 views
0 likes
0 comments
是日拉埋低碳朋友落水，share肥少半嘛！
先黎招牌至尊和牛漢堡，大大份就基本咖啦，但d料多款到咁就唔係常見，而且都配合得好好。
Black Truffe Mocha
$38
6 views
0 likes
0 comments
黑炭包▶黑松露沙律醬▶單面煎蛋▶牛油果▶煎煙肉▶芝士▶大啡菇▶炒洋蔥▶芝士▶和牛▶酸瓜▶番茄▶生菜▶沙律醬▶黑炭包
係唔係好誇張😇但其實份量同次序都控制得幾好，配搭豐富得黎唔膩。
最明顯係大啡菇同和牛肉汁混合後解到膩又增加到味道層次。
開始覺得擺料都係藝術，點樣可以令顧客完整分到又食得唔撈搞呢？🤔
☕️第一次見到有黑松露咖啡幾驚伏，先上網睇咗係有呢樣野，再問問店員咩玩法。原來係有款黑松露朱古力可以做咖啡，面層再加咗松露粉。件事我仍然係想像唔到，松露同咖啡，夾咩🌀？
拎到手會先聞到黑松露香，前味都明顯係黑松露加泡奶，之後就係莫卡朱古力咖啡味。🍫
原來兩種味係唔洗溝埋嘅，互相襯托就ok！夾到好味嘅，同時份量唔算多，減少咗佢可能出現嘅化學變化👩🏻🔬（我覺得份量岩岩好）。
話咗大家都減緊肥，都可以有健康之選嘅－原隻龍蝦三文治。🦞
滿滿青瓜同生菜絲加啖啖完整龍蝦肉，最欣賞佢醬汁用得岩岩好。有時我都唔知自己食緊d餸定醬汁，應該要分好莊閒先岩，d料唔靚就話用汁遮啫，咁好明顯呢度係真材實料先做到少醬都咁好食啦，青瓜粒仲好清新添！🥒
加$10-30有配菜幾開心，$30有黑松露薯條食勁開心。有趣嘅上碟，每一條薯條都被黑蚊蚊嘅黑松露粉包實（溝過嘅粉，甜甜地嘅）。就咁食落口似shake shake 薯條🍟，點醬汁後，松露粉變咗一層野咁，呢個口感好驚喜，好好味！好特別，有花過心機嘅黑松露薯條，真心嘅，呢個新奇感值得一試！實在周街都係黑松露薯條，質數係幾參差下。
食完傾傾下見到店員執貨，枝啤酒樣野好似幾吸引，原來係血橙流打，即刻柯打！
🍹上碟又乾橙又冰咁， 咁鬼靚，幾好飲嘅，多咗甜度反而調岩番。（3x g糖share 都ok嘅，珍奶同佢，我揀佢，梳打有得Gur！！）🍊
凍Latte基本野，28蚊杯好抵飲，飲到底d冰溶曬就太啖喇，飲快d開心d。呢點都係點解我鐘意飲熱啡多d，當奶泡打得好保到溫，味道又keep到好d。♨️
Amy肥，個d漢堡包仔好得意（有素肉揀🌱），店面好多Colorful燈，映射落多角水杯，對住杯水都靚到忍唔住影張上。📷
唯一要留意係，5點幾開始準備晚市油煙重咗，仲有下場嘅我地怕身上味，差不多時間就走咗了。未知繁忙時間會係點，可能都要留意下抽氣狀況。🌬
另外佢仲有個Tea set，不過我同朋友都係今日第一餐所以冇揀到～
Post
