Video
Read full review
2023-10-15
77 views
✨今個星期工作好忙😂 星期六日先得閒出街食食食😋😋 話說好耐冇食串燒，所以今日揀咗一間喺尖沙咀食串燒嘅餐廳😋😋 一入到去就俾佢嘅裝修吸引，好似去咗日本嘅居酒屋🏮✨打開餐牌，選擇眾多，咩都嘗試😂 食完今餐之後，決定要再同朋友嚟，試埋其他未食過嘅串燒🤤🍽️ 燒日本生蠔(6隻）$88其中一張餐牌介紹 餐廳六周年紀念，可用$88享用六隻燒日本廣島生蠔🦪千祈唔好錯過，燒出嚟嘅生蠔每一隻都大大粒，好飽滿，燒得啱啱好，又唔會過熟，真係好滿足😋 🍽️ 雞皮餃子🥟 $68上次去咗大阪嘅天滿，試咗一間零遊客嘅日本傳統居酒屋🏮嗰度都有雞皮餃子，所以見到餐牌有呢個菜式都好驚喜，我覺得係好食過日本嘅，真心！因為雞皮燒到卜卜脆，但係又鎖到餃子餡嘅肉汁，餃子餡料係大隻過我喺日本食嘅，雞皮餃子必點之一🤤 雞皮餃子有五隻，我獨食咗三隻🤣好好食！🍽️燒珍寶大扇貝 $78有蒜蓉同芝士口味，我揀咗蒜蓉😍 一啖過食，超滿足🤭 因為真係好大一舊😋 肉質新鮮又入味😋😋😋🍽️ 燒蟶子皇(蒜蓉）$88忍唔住又嗌蟶子皇😂 食咩菜式都好，見到蟶子皇就會想嗌😋 作為蟶子皇熱愛者，呢到嘅蟶子皇大隻，燒烤控制得非常好，除咗蟶子皇嘅鮮甜，仲食到燒烤嘅蒜蓉
✨打開餐牌，選擇眾多，咩都嘗試😂 食完今餐之後，決定要再同朋友嚟，試埋其他未食過嘅串燒🤤
🍽️ 燒日本生蠔(6隻）$88
其中一張餐牌介紹 餐廳六周年紀念，可用$88享用六隻燒日本廣島生蠔🦪
千祈唔好錯過，燒出嚟嘅生蠔每一隻都大大粒，好飽滿，燒得啱啱好，又唔會過熟，真係好滿足😋
🍽️ 雞皮餃子🥟 $68
上次去咗大阪嘅天滿，試咗一間零遊客嘅日本傳統居酒屋🏮嗰度都有雞皮餃子，所以見到餐牌有呢個菜式都好驚喜，我覺得係好食過日本嘅，真心！因為雞皮燒到卜卜脆，但係又鎖到餃子餡嘅肉汁，餃子餡料係大隻過我喺日本食嘅，雞皮餃子必點之一🤤 雞皮餃子有五隻，我獨食咗三隻🤣好好食！
🍽️燒珍寶大扇貝 $78
有蒜蓉同芝士口味，我揀咗蒜蓉😍 一啖過食，超滿足🤭 因為真係好大一舊😋 肉質新鮮又入味😋😋😋
🍽️ 燒蟶子皇(蒜蓉）$88
忍唔住又嗌蟶子皇😂 食咩菜式都好，見到蟶子皇就會想嗌😋 作為蟶子皇熱愛者，呢到嘅蟶子皇大隻，燒烤控制得非常好，除咗蟶子皇嘅鮮甜，仲食到燒烤嘅蒜蓉味，正🤤
🍽️ 燒豬肉串 $29
揀咗沙嗲汁，首先豬肉已經係好入味，油脂分布平均，唔會有好肥嘅位，每一啖充滿油脂得來又唔會過肥🤤 沙嗲汁都係精粹👍 日式同港式混合得非常好👍👍
🍽️ 燒牛舌 $58
牛舌係超厚切，燒得啱啱好，肉質鮮嫩得嚟唔會乾身，或者唔熟，暫時係食過咁多串燒當中最好食嘅燒牛舌。店員係上菜之前，會送上一碟秘製辣汁，類似泰式辣醬，不過再辣啲，牛舌點上呢個辣汁真係好好食😋
🍽️ 燒流心鵪鶉蛋 $29
呢個係男朋友嘅😂 我未試過食串燒鵪鶉蛋，一試不得了，一放入口咬嘅第一啖就爆汁，好香嘅蛋黃味，加上香料嘅甜味，真係唔試唔知原來流心鵪鶉蛋係咁好食😂 想試新嘢嘅不妨試吓呢個，一定有驚喜！
🍽️ 燒牛肚 $29
果然係港式加日式嘅串燒，牛肚感覺上好地道嘅牛雜或者港式車仔麵先會食，但係原來串燒牛肚都別有一番風味。佢嘅味似係金錢肚嘅味，但係串燒嘅方式令佢口感好特別，呢個真係一定要試，未試過喺其他串燒店食過🥺
🍽️ 燒茄子 $36
食串燒一定會嗌燒茄子，我覺得燒茄子係證明到間舖頭嘅串燒質素高唔高質🤣 呢度嘅茄子都一定要試，佢有蒜蓉同埋孜然味，我就覺得蒜蓉味夾啲，蒜蓉係鋪滿晒喺茄子肉上面，蒜蓉味好出，燒得好香😍
🍽️ 懷舊燒魷魚 $52
我俾懷舊呢兩個字吸引咗，原來呢款懷舊嘅燒魷魚真係買少見少，諗起之前去大澳食嘅燒魷魚，呢間嘅燒魷魚份量好多，就連佢配上嘅辣椒都係高質架！真係好想買多一份外賣拎返屋企，一路煲劇一路飲酒🍻
🍽️ Sapporo Premium $38 x2枝
都係去日本嘅時候愛上咗Sapporo🤤
佢呢度係支裝，未見過，平時都係飲罐裝，
生啤好夠凍，Nice🤤🤤 食串燒點可以唔嗌啤酒🤤 佢嘅價錢都好震撼，平過好多其他嘅日本餐廳🫣🤫🤫 如果唔係聽日要返工，我應該會飲多一枝🤣🤣
Post
