養珍品牛肉麵 (Closed)

點佐3人套餐（HK$433），有3碗招牌牛肉麵、鹵排骨(或鹵雞翅)、小黃瓜、水餃、泡菜(或時蔬)、3杯豆漿(或咖啡或柚子茶)；再加一份鹵水拼盤。#招牌牛肉麵（細份HK$111）牛肉麵的湯底秘方超過百年歷史，主打冇味精、一鍋只能熬製6碗~ 味道確實唔錯，成碗湯飲曬! 雖然價錢較貴：大份$222，細份$111（細份一人吃已好夠），但超軟嫩的牛筋肉+有韌勁兼彈性的麵，值得試! 缺點就係上麵佐等20分鐘,我估真係工序複雜⋯#水餃絕對係驚喜，好好味!!白菜肉餡，有少少汁，最特別係層餃皮，似厚少少嘅透身雲吞皮，好鍾意!#鹵排骨都ok，入味兼口感軟淋。小黃瓜應該係自製嘅，甜甜哋又爽脆~好味又開胃!#牛展鹵水拼盤（細份HK$88）。牛展係比較乾身嘅作法，咬落即“碎”（褒義），同招牌麵D牛筋肉風格完全唔同!個人本身唔係太鍾意牛展，不過都覺得味道唔錯，屋企人就話好好吃!btw順便講下之前吃過嘅滷豬腳（HK$38）同滷肉飯。滷豬腳好淋入口即化，好味!滷肉飯係另人驚喜又驚艷!! 賣相其實都好普通：肉燥配D小黃瓜再加粒蛋，但味道同其他舖頭完全唔同。細節其實醒唔起⋯不過就記得吃完就同自己話：下次來一定仲要吃滷肉飯