東哥點心籠仔蒸飯專門店

Open Now

Now Closed

好耐都冇飲茶啦，今日決定同朋友來呢間位於大角咀大全街43-59號大滿樓地下4B號舖噶東哥點心籠仔蒸飯專門店飲茶，環境清靜，感覺比較親民，都係做街坊生意茶具幾靚，睇得出係用心挑選。一入去必點嘅香芋豉蒜蒸排骨，芋頭鬆軟，排骨蒜味香濃，肉質嫩滑。燒汁釀茄子，外脆內軟，魚滑彈牙，配上燒汁，食到有少少甜。百醬蒸鳳爪，鳳爪入味，軟軟糯糯，一食就可以將啲骨好出，醬香味十足。點心拼盤，內有蝦餃，潮州粉果，叉燒包，菜苗餃，同朋友一人一個分享，超正，一籠可以食到唔同嘅點心，又唔會太飽，蝦餃菜苗餃真係至愛。砵仔鳳爪排骨飯，比平時食果D一盅嘅飯，咁樣蒸出嚟，米飯更加容易吸收到排骨鳳爪噶味，味道更香。金箔流沙包，表面嗰層金箔好吸引，中間掰開會爆漿，奶奶哋噶鹹蛋黃好香，個包都做得好鬆軟，好值得食。安蝦鹹水角，外層炸到脆脆，裡面軟軟糯糯，一口落去Q彈，內餡還食到蝦米，口感豐富。餐後配上一杯茶去油解膩，今餐超滿足。