Bread and Bistro (Closed)

今日去咗黃竹坑附近行個圈 我行過見到間餐廳好多人 附近又唔熟路 結果決定入去試吓 明明已經唔係lunch hour 都爭啲滿晒座😳一見到個餐牌就叫咗個漢堡扒芝士流心蛋咖喱飯 一嚟到個賣相已經好靚 有齊晒日本咖喱嘅必需品 薯仔同蘿蔔 佢個薯仔並唔係就咁烚熟扔落去咖喱嘅感覺 而係炸咗嘅薯角 再點咖喱汁嚟食。。。真係好正 😍😍個咖喱唔係好辣 甜甜地加埋個漢堡扒入邊有芝士 食嘅時候真係大滿足呀 配埋蛋汁 無得頂🤩另外叫咗個all day breakfast 好足料 有炒蛋茄汁豆 薯餅 漢堡扒同pancake 個樣好正！ 個pancake好鬆軟 配上蜂蜜糖漿 個炒蛋亦都好嫩溫 薯餅配上茄汁豆簡直係一絕 漢堡扒亦都煎到好香😋食晒兩個主食之後就叫咗個布丁燒 味道好濃配上鬆軟嘅蛋糕底 又係一個必要推介😋😋總括嚟講 呢間餐廳真係不枉此行 值得再戰