新高麗苑韓國餐廳 (Closed)

上星期去太子做野, 做完野行下花園街洗衣街ㄧ帶, 行行下見到這間新高麗苑, 就去試下。主菜選擇了豬扒, 落單 5 分鐘左右就成個餐送上, 睇下幾大堆頭。先介紹ㄧ下個牛骨湯, 牛骨味及胡椒叶味好重, 再加上白蘿蔔, 腐竹及香葱, 非常惹味。配菜其實有好幾款, 因為我見到其他食客嘅配菜與我的不同, 我估係職員任意分配。而我這兩款係薯仔及韓式炒粉絲。輪到主角豬扒, 以ㄧ人份量絕對係多嘅。豬扒好淋, 但唔係 "梅" 嘅感覺, 味道調較得不錯。最後送上甜品, 係青檸味嘅啫喱, 煙煙靭靭, 加埋 d 花奶, 認真好味道。成個餐都係 $41, 值得ㄧ試。