Nardo's Cafe (Closed)

旺角有好多樓上Cafe，但要有得玩又好食既Cafe, 今日終於搵到呢間Nardo’s cafe! 老闆娘好熱情好客，主動推介食物，而且呢間Cafe有好多board game, 同朋友食飯之除仲有得玩遊戲，好開心！❤️黑松露海蝦帶子意大利飯份量足料而且味道唔錯，飯好香好creamy。❤️蒜香雞翼/蜜糖雞翼雞翼熱辣辣，好好味，好香蜜糖同蒜香味，食唔停口，首選小食！❤️意式茄醬燴肉腸拼肉丸茄醬加肉腸味道好夾，份量好多，可以比我地食唔停口。❤️飲品係Princess同伯爵Princess 係士多啤梨乳酸飲品，唔會太甜，而伯爵係朱古力味飲品，同樣唔太甜，不錯。❤️甜品係紐約芝士餅、藍莓芝士餅兩款芝士餅味道正常，兩者比較喜歡藍莓那個。除左晚市套餐好抵食之外，如果人多仲可以選擇派對套餐，同三五知己一起分享美食，玩board game，聊聊天。呢度絕對係一間值得bookmark再黎既餐廳！