牛霸小麵店 (Closed)

牛霸 🍜軒尼詩道球場隔離嘅巷仔入面，平時應該好少會注意到呢度有間餐廳，今次食完之後應該會成日入黎encore！因為真係抵食又高質！😽今次係lunch過去食，有lunch set可以加嘢飲同小食，真係好抵嗌！另外手機落單有好多選項，方便晒食客唔洗驚講漏要求😋可以選擇湯麵或者乾拌麵，番茄或麻辣湯底，仲可以轉新竹米粉🙌古早味滷肉拌麵（麻辣手打麵）麵好爽口彈牙，啱我嘅口味，配埋麻辣醬同埋滷肉一齊食一流🥰食到最尾feel到條脷有少少麻😂紅燒牛肉麵（蕃茄湯底手打麵）首先講下個番茄湯，非常鮮甜，好易入口，會keep住想飲🙈牛肉份量好足,同埋啲牛筋好有口感😜麵身都係比較煙靭都好啱我口味🤩柚子雞翼（2隻）大大隻雞翼！配埋柚子汁match得好好，食落唔會濟🤗台灣夜市小拼盤：有齊鹽酥雞，台灣腸，花枝丸，炸豆腐😆啱晒選擇困難症嘅我，咩都可以試到～飲品：冬瓜茶 & 珍珠奶茶嘢飲都好抵讚，質素同手搖店有得揮，之前食台灣野通常嘢飲都好一般，但今次冬瓜茶甜度啱啱好，珍珠奶茶啲珍珠好彈牙，直情係加分位💯除咗野食之後，呢間最近都裝修完，有好多好有質感嘅decorations，食好西之餘又可以打卡影靚相📸真係好值得幫襯啊！