Video
Read full review
2022-07-18
787 views
第一次踏足灣仔既汕頭街，估唔到一氣小小既巷仔都收埋左唔少特色餐廳。今日就揀左門面非常有格調既Mansion Lot。牆上掛左唔少畫作同黑膠碟，加埋個大玻璃窗，採光勁好。入面除左有吧檯位之外，仲有梳化位，座位相當闊落舒適，非常適合同朋友一齊放鬆一下。野食方面，呢間café以brunch類輕食為主，但非常多選擇，除左有all day brekkie之後，仲有omelette、crepe等等。飽肚啲既亦有意粉同意大利飯，樣樣都唔錯咁，令人好難揀！✨Grilled beef & new potato salad成日都好驚食沙律唔飽肚，但呢個Grilled beef & new potato salad材料超級豐富，有番茄仔、烤麵包粒、燒牛肉、炸薯粒、牛油果同沙律菜，食完真係好滿足。燒牛肉大約5成熟，每片都見到粉嫩既紅色，好juciy。而上面既薯仔粒都輕輕煎炸過，做到外脆內軟。成個沙律再淋上中間酸酸地既醬汁，非常開胃！✨Avocado deluxe crepe一直都係crepe既愛好者，見到呢到有得食就一定要試下！Crepe既皮好薄，食落口柔軟之餘仲有淡淡既麵粉香氣。入面包住煙三文魚、牛油果同芝
第一次踏足灣仔既汕頭街，估唔到一氣小小既巷仔都收埋左唔少特色餐廳。今日就揀左門面非常有格調既Mansion Lot。
牆上掛左唔少畫作同黑膠碟，加埋個大玻璃窗，採光勁好。入面除左有吧檯位之外，仲有梳化位，座位相當闊落舒適，非常適合同朋友一齊放鬆一下。野食方面，呢間café以brunch類輕食為主，但非常多選擇，除左有all day brekkie之後，仲有omelette、crepe等等。飽肚啲既亦有意粉同意大利飯，樣樣都唔錯咁，令人好難揀！
✨Grilled beef & new potato salad
成日都好驚食沙律唔飽肚，但呢個Grilled beef & new potato salad材料超級豐富，有番茄仔、烤麵包粒、燒牛肉、炸薯粒、牛油果同沙律菜，食完真係好滿足。燒牛肉大約5成熟，每片都見到粉嫩既紅色，好juciy。而上面既薯仔粒都輕輕煎炸過，做到外脆內軟。成個沙律再淋上中間酸酸地既醬汁，非常開胃！
✨Avocado deluxe crepe
一直都係crepe既愛好者，見到呢到有得食就一定要試下！Crepe既皮好薄，食落口柔軟之餘仲有淡淡既麵粉香氣。入面包住煙三文魚、牛油果同芝士，起初都會擔心好滯，但係芝士既味道唔算好濃郁，反而食落幾light，加埋下面既沙律菜同黑醋，反而意外地清新！
✨Brownie with ice-cream
Borwnie係新鮮熱辣辣咁焗起，食到外皮脆脆地，裏面好soft，而且有濃濃既朱古力味。加埋上面既雲呢拿雪糕，一凍一熱好夾。
✨Latte
今次飲latte轉左oat milk，意外既係奶泡都可以打到好幼滑。一入口就飲到奶既甜味，而咖啡味道唔算濃，飲落好舒服。
✨Rose petals peach tea
起初都擔心係化學味道勁甜既茶，但呢杯peach tea係無糖架，入口只飲到淡淡既桃味同玫瑰味，後面亦有少少茶既回甘，唔想飲咖啡個時係非常不錯既選擇。
Grilled beef & new potato salad
24 views
0 likes
0 comments
Avocado deluxe crepe
13 views
0 likes
0 comments
Brownie with ice-cream
11 views
0 likes
0 comments
11 views
0 likes
0 comments
Post
