Video
Read full review
2021-01-29
15225 views
🌺自從熊妹發現貓妹呢隻high tea 腳之後，就約定好每一個月都要食一次。📌熊妹心知《JW Marriott》的英式下午茶既出名又受歡迎👏🏻，實在係非常之難預約。所以熊妹係一個半月之前已經訂定亦都約定好貓妹呢一日黎試吓究竟有幾架勢💪🏻。📌位上到金鐘太古廣場3樓就有一個進入《JW Marriot Hotel》嘅入口，然後轉彎再上扶手電梯就去到酒店嘅大堂，亦即係享受英式下午茶嘅地方。📌大堂環境非常開陽，超強嘅落地玻璃滲入下午柔和嘅陽光🌞，令到成間酒店變得生氣勃勃🌻。📌一邊係悠閒舒適嘅下午茶區，另一邊係貴氣高雅嘅自助餐酒吧梳化區🛋。成個酒店大堂都非常寬敞，有型有格。📌JW下午茶加咗價嚕，舊年都仲係四字頭，今年年頭開始星期一至就五$538兩位，星期六、日及公眾假期就$558兩位，鹹點、甜點、鬆餅、飲品全部都有齊。桂花香芬冰茶首先，一坐低店員就會送上一杯歡迎茶，歡迎嚟到JW Marriot🎊！好味喎！冰茶甜甜地，涼涼地，淡淡地桂花香，清清地嘅茶味，如果可以直情大杯啲列入飲品系列，熊妹一定會揀。JW afternoon tea，$538📌嘩！期待咗好耐，book咗好耐嘅JW afternoon
📌熊妹心知《JW Marriott》的英式下午茶既出名又受歡迎👏🏻，實在係非常之難預約。所以熊妹係一個半月之前已經訂定亦都約定好貓妹呢一日黎試吓究竟有幾架勢💪🏻。📌位上到金鐘太古廣場3樓就有一個進入《JW Marriot Hotel》嘅入口，然後轉彎再上扶手電梯就去到酒店嘅大堂，亦即係享受英式下午茶嘅地方。
📌大堂環境非常開陽，超強嘅落地玻璃滲入下午柔和嘅陽光🌞，令到成間酒店變得生氣勃勃🌻。
📌一邊係悠閒舒適嘅下午茶區，另一邊係貴氣高雅嘅自助餐酒吧梳化區🛋。成個酒店大堂都非常寬敞，有型有格。
📌JW下午茶加咗價嚕，舊年都仲係四字頭，今年年頭開始星期一至就五$538兩位，星期六、日及公眾假期就$558兩位，鹹點、甜點、鬆餅、飲品全部都有齊。
桂花香芬冰茶
371 views
1 likes
0 comments
首先，一坐低店員就會送上一杯歡迎茶，歡迎嚟到JW Marriot🎊！
好味喎！冰茶甜甜地，涼涼地，淡淡地桂花香，清清地嘅茶味，如果可以直情大杯啲列入飲品系列，熊妹一定會揀。
JW afternoon tea
297 views
3 likes
0 comments
📌嘩！期待咗好耐，book咗好耐嘅JW afternoon tea終於嚟到眼前啦！
上層
237 views
0 likes
0 comments
鮑魚撻
英式下午茶餐入邊竟然出現鮑魚呢款咁高級嘅食品，真係少之又少。
五星級酒店級嘅質素當然唔差啦！鮑魚醬汁唔算太濃，口感非常彈牙，撻皮脆脆地，成個配搭好特別。
虎蝦春卷配甜酸汁
大大隻嘅虎蝦🍤形成長長嘅一條春卷，炸得非常香口，啖啖虎蝦肉鮮味彈牙，甜酸汁酸酸甜甜，同虎蝦味道非常之夾。
鴨肝醬配蜜瓜
又係熊妹最害怕嘅鴨肝，高級食品都會包括呢樣材料，不過熊妹都係讓比貓妹食啦。
貓妹話鴨肝醬質感綿綿的，味道唔算太濃烈，配合住蜜瓜🍈食可以清清口腔嘅味道。
中層
189 views
1 likes
0 comments
芒果龍蝦沙律配魚子醬
非常開胃嘅一款沙律🥗杯，粒粒龍蝦肉非常彈牙，配合清新嘅芒果粒同少少鹹嘅魚子醬調味，因為比較少食，熊妹同埋貓妹對呢款沙律杯都讚不絕口。
西班牙黑毛豬火腿配鮮無花果布里芝士麥法包
超薄嘅黑毛豬火腿🐷配上清甜嘅新鮮無花果，再加喺無味嘅法包上面，鹹甜味道中和，多重口感十足。
日本桃太郎番茄配話梅汁
蕃茄🍅加上話梅汁，酸酸甜甜，又一開胃食品。
下層
185 views
0 likes
0 comments
玫瑰荔枝忌廉及香草蜂蜜吉士脆餅
粉紅色嘅忌廉蛋糕真係好有少女心，玫瑰荔枝味都唔唔算好出，連埋中間嘅脆餅一齊食又唔算太甜。
綠茶柚子馬卡龍伴榛子
超讚嘅一款馬卡龍係食得出綠茶味，但味道又唔會過甜嘅蛋白脆餅，又散發出清幽嘅柚子味，呢款甜品做得好細緻又出色。
雲呢拿士多啤梨慕絲伴燴藍莓
酸酸甜甜嘅士多啤梨🍓同埋藍莓不嬲都好夾，因為大家都係莓系品種，好酸嘅熊妹都幾鍾意呢款甜品，真係做到莓嘅酸味味味道。
青蘋果忌廉羽衣甘藍蜜蜂菠蘿卜卜米脆底
雖然青蘋果味🍏就唔算太出，但味道都好清新，忌廉部位就係唔係好甜，入邊仲有啲菠蘿餡🍍，卜卜米脆底好脆口， 同忌廉撈埋食好夾。
甘草白朱古力忌廉及薄荷香檸餡蛋糕
一款檸檬餡嘅蛋糕，又係唔算好甜，外面鋪上層朱古力忌廉脆皮增加左味道嘅層次同口感。
黑朱古力貝殼蛋糕伴紅桑子醬
用上黑朱古力🍫造成嘅蛋糕，味道冇咁甜，口感都算濕潤，再加上酸酸甜甜嘅紅桑子醬，朱古力同莓味不嬲都好夾，面頭仲有印上「JW」字樣嘅紅色朱古力牌，充滿著酒店嘅靈魂。
英式鬆餅
192 views
0 likes
0 comments
「JW」的英式鬆餅有原味同提子味，每款每人都有一個，真係未食都興奮。
牛油鬆餅牛油味唔算太重，口感未算好鬆化，但整體味道都可以嘅。
配料士多啤梨果醬唔算太甜仲有粒粒士多啤梨果肉，做得唔錯。反而clotted cream奶油味唔算太重，未能提升鬆餅嘅味道。
JW afteroon tea
183 views
1 likes
0 comments
📌即是通貨膨脹，物價沸騰，價格上升，熊妹認為都值得再encore。
215 views
4 likes
0 comments
Post
