芝加哥串燒酒場

去中上環區，如果想搵間餐廳飲嘢同食嘢嘅話呢度係唔錯嘅選擇👍🏻位置方便，係蘭桂坊中段位置。店員有善，有室外室內位置，食物同飲品種類多，而且價錢合理👏🏻有汽酒叫咗最穩陣嘅Prosecco，容易入口唔太甜🫶🏻 另外仲叫咗一杯Cocktail ，呢度嘅Cocktail種類好多選擇，我今次揀咗Rainbow ，甜甜地有菠蘿味，幾適合女士！當然仲有啤酒，呢度啤酒每日都有做買一送一！好抵玩！嘢食方面選擇好多，不知不覺就嗌咗好多嘢食🤣🤣除咗一般串燒之外，仲有幾款飯可以俾大家揀唔驚餓親👏🏻我今次揀咗安格斯牛版見珍珠飯，好香嘅牛油味配搭牛扒同粟米，幾惹味！串燒就嗌咗好多款，特別推介：招牌無骨白鱔串（魚皮脆，魚肉油香），牛骨髓 （嫩滑香口），牛舌（軟身爽口），翠玉瓜(啱啱好 多汁)，雞皮墨魚滑（超足料墨魚滑，配搭雞皮同蜜糖，有驚喜），燒和牛胸爽 （第一次試，好香同爽口），極品即燒乳豬（厚切乳豬，皮脆，好正） 總括而言，呢度地方坐得舒服，嘢飲同食物種類都好多👍🏻價錢唔會太貴，推介🙌🏻