胡爐 (Closed)

又到Happy Friday，涼涼地打邊爐啦，尖沙咀中，朋友特別鍾意養生湯底，又想靜靜地傾偈，呢間唔錯。外觀同裝修好有中國特色，店面不大，不過坐得舒服，有兩個房間，乾淨企理。金翅乳鴿鍋 全窩金黃色好吸引，面層原隻乳鴿，蓋上金黃翅身，湯底好清甜，乳鴿肉嫩多汁，花膠大件爽口，湯我飲足4碗，唔會口渴。黑松露芝士手打牛丸牛丸外層質感非常彈牙，口感爽身，內裡包著黑松露醬加芝士，好惹味。萵筍厚切後顏色翠綠，煮熟後變得精瑩通透，口感爽脆，清甜多汁。酥炸午餐肉午餐肉炸得香脆，口感鹹香，直食都好味。竹蔗茅根水 清熱解毒，滋潤又解渴。