Video
Read full review
2018-10-21
97 views
星期日約咗朋友喺中環食晏傾計，由港鐵站行到嘉咸街都仲未諗到食乜嘢，行下行下，友人非常眼利，突然被前面這間食店吸引著。咦，呢間咪之前喺網上見有人介紹嘅「Le q Cafe & Bar」？聽說餐廳午市有商務套餐供應，水準唔錯，而且價錢合理，可以試下。由於無預約，初頭還擔心會無位，不過地下嘅店員叫我地沿住樓梯行上一層再搭𨋢上 4 樓。原來整幢大廈都係屬於同一餐廳，G/F 係 Cafe & Bar，以供應手工咖啡及各類酒品為主。1/F 係 Le Shop 雜貨舖，主要零售精品食品，餐酒及雪茄等。2/F 叫 Gossip，係一個時尚吃喝暢談嘅小天地。至 3/F Chat & Learn 就係 event 場地，而這天我倆就被安排坐喺 4/F 嘅 Private Room，入面地方唔大，細心一數，只有 12 個座位，不過就另設有露台可作休憩之用。個 Business Lunch 嘅餐牌，設計非常簡單，一頁過，有頭盤、餐湯、主菜及甜品，四道菜連埋飲品都只係 $208，設加一服務費。主菜共有四款選擇，包括有意大利飯、𩶘魚、慢煮黃油雞同肉眼扒，不過如果揀肉眼就要另加 $50。點完餐後，店員隨即為我倆送上
星期日約咗朋友喺中環食晏傾計，由港鐵站行到嘉咸街都仲未諗到食乜嘢，行下行下，友人非常眼利，突然被前面這間食店吸引著。咦，呢間咪之前喺網上見有人介紹嘅「Le q Cafe & Bar」？聽說餐廳午市有商務套餐供應，水準唔錯，而且價錢合理，可以試下。由於無預約，初頭還擔心會無位，不過地下嘅店員叫我地沿住樓梯行上一層再搭𨋢上 4 樓。
原來整幢大廈都係屬於同一餐廳，G/F 係 Cafe & Bar，以供應手工咖啡及各類酒品為主。1/F 係 Le Shop 雜貨舖，主要零售精品食品，餐酒及雪茄等。2/F 叫 Gossip，係一個時尚吃喝暢談嘅小天地。至 3/F Chat & Learn 就係 event 場地，而這天我倆就被安排坐喺 4/F 嘅 Private Room，入面地方唔大，細心一數，只有 12 個座位，不過就另設有露台可作休憩之用。
個 Business Lunch 嘅餐牌，設計非常簡單，一頁過，有頭盤、餐湯、主菜及甜品，四道菜連埋飲品都只係 $208，設加一服務費。主菜共有四款選擇，包括有意大利飯、𩶘魚、慢煮黃油雞同肉眼扒，不過如果揀肉眼就要另加 $50。
點完餐後，店員隨即為我倆送上一籃黑橄欖香草包，麵包表面金黃香脆，入面鬆軟可口，吃時可蘸點油醋汁，滋味甚佳，不過就算單吃，味道亦非常出色。
頭盤有兩款，呢客係 Le q Caesar Salad, Parma ham and Slow Cooked Egg，材料看起來很簡單，用巴馬火腿捲著生菜，旁邊再伴以一隻水煮蛋，不過原來廚師好有心思，喺其中一份生菜上面放咗一小件鯷魚同香脆的芝士片，以增添食味。巴馬火腿鹹香軟熟，而水煮蛋亦香滑 creamy，非常好吃。
至於另一客頭盤就係 Penne Salad, Confit Tuna, Tomatoes, Olives, Onions and Capsicums，長通粉煮得恰到好處，煙韌有致，入口微酸，吃下去帶淡淡茄汁香，食味不俗。
餐湯係 Double Boiled Chicken Consomme, Julienne Vegetables and Mini Ravioli，雞湯色澤清澈，一點也不油膩；意大利雲吞質感對辦，外皮不太厚，入口煙靭有麵粉香，配上清雞湯，味道不錯。
主菜點了 Pesto Crusted Snapper Fillet, Baby Spinach and Shellfish, Red Wine Jus ，𩶘魚柳大小厚度中等，面頭的魚皮鋪滿香草醬，而碟底就墊咗菠菜，再用切粒蝦仁圍邊，賣相誘人。先嘗一口魚肉，魚身潔白，肉質嫩滑，甘香鮮美，帶淡淡海洋鮮味，加上面層的香草醬，令魚肉增添質感和清香。墊底嘅菠菜，顏色嫩綠討好，而且烹調得很入味，入口帶自然的清甜，非常啱我口味。
至於另一款主菜就揀咗 Grilled USDA Angus Rib Eye, Glazed Vegetables and Gravy (+$50)，肉眼扒燒得剛好，外面微脆，入口帶焦香，而中間則腍滑滋味，加上肉汁滿溢，蘸點燒汁吃，更能帶出牛肉鮮香。伴菜亦毫不遜色，用料豐富，有香煎薯仔片、清脆的蘆筍、爽口的意大利青瓜，用來佐肉眼吃，非常夾配。
餐飲點咗凍檸茶同 Hot Latte (+$10)
壓軸的甜品同樣有兩款，分別係 Tiramisu 同 Homemade Ice Cream；Tiramisu 餅底沾滿咖啡酒，咖啡同冧酒比例恰到好處，入口濕潤有酒香。意大利軟芝士打得幼滑，食起上嚟好軟熟。自家製的朱古力雪糕亦很有水準，質感幼滑，朱古力味濃郁，令人吃得非常滿足，友人還說要搵日同另一半嚟試埋晚餐呢！
Post
