LOST STARS LIVEHOUSE BAR & EATERY (Moved) New Location

今日中午同朋友去大角咀行街順便食野。見到一間幾高級的餐廳，以為幾貴。但望到個餐牌，都幾化算，所以入去一下。點了一個慢煮澳洲肉眼配炙燒荷蘭汁沙及香脆薯粒$148，一個厚切雞扒時蘿青瓜蛋黃醬三文治🥪法國鴨酒喜馬拉雅岩鹽蒜蓉薯條$128。野飲叫了一杯凍檸茶同一杯凍橙汁。甜品分別加了$30叫了一個朱古力心太軟同一個檸檬🍋蛋白撻。凍檸茶同一杯凍橙汁發揮應有水準，不過不失。餐湯蕃茄蓉湯茄蓉落得好足料，不過餐湯偏酸。慢煮澳洲肉眼配炙燒荷蘭汁沙及香脆薯粒慢煮的關係所以無得揀幾多成熟。不過肉眼肉質鮮美，沒有血水。而且肉眼扒吸引了荷蘭汁的香，所以味道濃郁，而且每啖食落口都感受到牛扒鎖住了肉汁。而薯粒就較乾身。厚切雞扒時蘿青瓜蛋黃醬三文治🥪法國鴨酒喜馬拉雅岩鹽蒜蓉薯條雞扒十分脆口而且juicy，配上酸酸的青瓜很開胃，蛋黃醬同三文治，好夾。蒜蓉薯條炸得很香脆，帶點岩鹽的咸味，十分滋味。朱古力心太軟外凍內熱，外層朱古力蛋糕很鬆軟。內層朱古力醬很流心。檸檬🍋蛋白撻檸檬味很濃烈，食到蛋白同檸檬的混合，底層餅底香脆可口。Lunch set整體不錯，性價比較高。