Parkview (新都會廣場) (Closed)

Weekend係新都會搵食，無論有幾多間食肆，當到左Lunch/Dinner時間，都一定需要walk-in排隊等檯。等左大約15分鐘就有張大檯，算係快。Lunch set選擇多豐檢由人，而且有主菜，餐湯，麵包同餐茶，價錢合理。Daily soup係羅宋湯，但個紅色紅到有d古怪，職員話係落左茄膏，味道帶茄酸唔杰，裡頭亦有好多蔬菜。跟餐係牛角包，唔係太夠熱同走左氣，但味道尚可接受。同朋友share餐黎食，牛肉漢堡薯條，帶子野菌南瓜意大利飯，凱撒沙律，同黑松露手搓粉。牛肉漢堡薯條，同凱撒沙律正常。帶子野菌南瓜意大利飯味道偏淡，帶子剛剛熟，野菌味唔太突出，飯既軟硬度剛好。黑松露手搓粉反而有驚喜，黑松露味夠香，手搓粉既口感好好，而且個形狀可以掛到d汁一齊食，幾好味!