Video
Read full review
2016-07-11
90 views
朋友介紹呢間Beer & Fish酒吧，話有好多款酒同食物可以揀，環境又唔錯，所以趁今日放假，決定同朋友黎試吓。酒吧門口放左一張display table，展示唔同嘅手工啤酒，已經好吸引。入到酒吧，水吧位上面亦有三大塊水牌，寫上手工啤酒嘅名稱、酒精濃度、原產地及價錢。PUNK IPA $72 and Peaty Chocolate $７０......坐低後，待應拎餐牌、酒牌同炸魚皮過黎，魚皮係免費既，比出面其他酒吧送nuts更好，幾特別！待應好有耐性咁向我哋介紹多款手工啤酒，最後，我決定試吓“ PUNK IPA”，呢支手工啤酒採用新世界嘅啤酒花，散發西柚、菠蘿及荔枝嘅香味，未飲入口，已經俾香味吸引著，飲完更會有d回甘味，一試就愛上！至於朋友，就試咗＂Ｐｅａｔｙ Ｃｈｏｃｏｌａｔｅ＂，外表睇起黎成杯凍朱古力咁，但其實ｗｈｉｓｋｙ嘅味道好重。Butter Lettuce Wedges $58......前菜叫咗沙律“Butter Lettuce Wedges”，用料非常新鮮，有本地牛油生菜、洋蔥、蕃茄、煙肉碎，最重要係配咗芝士醬，令清淡嘅雜菜添上一份惹味。Beer Battered Fis
酒吧門口放左一張display table，展示唔同嘅手工啤酒，已經好吸引。入到酒吧，水吧位上面亦有三大塊水牌，寫上手工啤酒嘅名稱、酒精濃度、原產地及價錢。
PUNK IPA $72 and Peaty Chocolate $７０......坐低後，待應拎餐牌、酒牌同炸魚皮過黎，魚皮係免費既，比出面其他酒吧送nuts更好，幾特別！待應好有耐性咁向我哋介紹多款手工啤酒，最後，我決定試吓“ PUNK IPA”，呢支手工啤酒採用新世界嘅啤酒花，散發西柚、菠蘿及荔枝嘅香味，未飲入口，已經俾香味吸引著，飲完更會有d回甘味，一試就愛上！至於朋友，就試咗＂Ｐｅａｔｙ Ｃｈｏｃｏｌａｔｅ＂，外表睇起黎成杯凍朱古力咁，但其實ｗｈｉｓｋｙ嘅味道好重。
Butter Lettuce Wedges $58......前菜叫咗沙律“Butter Lettuce Wedges”，用料非常新鮮，有本地牛油生菜、洋蔥、蕃茄、煙肉碎，最重要係配咗芝士醬，令清淡嘅雜菜添上一份惹味。
Beer Battered Fish & Fries $128......小食一定要試＂Beer Battered Fish & Fries"。呢度嘅炸魚好特別，炸漿加入啤酒，仲可以自己揀麥啤、辣啤或者黑啤，食炸魚嘅時候都嚐到淡淡嘅啤酒香，加上魚肉係用大西洋鱈魚，整體食起來外脆內嫰。鍾情食沙律醬嘅人，亦會有驚喜，因為有五款醬任揀，包括﹕酸果薄可荷、B&F他他、煙辣蛋黃、蜜糖芥末同埋蛋黃Mayo。
Crab Cegg & Gravy(Half) $78 and Mac & Cheese Casserole $48......主食我就叫咗＂Crab Cegg & Gravy" 同埋＂Mac & Cheese Casserole＂。Crab Cegg & Gravy真係好好食，底層係麵包、中間有塊蟹肉餅、上層有一隻超級流心蛋，加埋沙律醬、煙肉碎、蕃茄粒及生菜，未食已經令我流曬口水，食完更讚口不絕！Mac & Cheese Casserole外表雖然無咩特別，不過芝士味好濃，而且份量都唔算少，食完好飽肚，最啱鍾意食芝士嘅人。
Post
