道鮨日本料理 (Closed)

星期六我地兩公婆一起身就出發去睇期待已久嘅Rugby Seven，一出銅鑼灣站已經感受到Rugby Seven嘅氣氛，滿街都係準備入場嘅觀眾，大家都悉心打扮，當中不乏外籍人士。跟據往年經驗，入場前最緊要係食返餐豐富嘅午餐，咁樣先可以有足夠體力頂到完場。💪我地沿路係渣甸中心見到呢間道鮨日本料理，午市御膳由$168至$238，價錢唔貴之餘套餐食物都好豐富，所以我地決定係呢度刷返餐。餐廳地方都好大，而且座位寬闊，假日午市唔算太多人，裝修以木色為主，配以日式吊燈擺設，好有日式風格。🇯🇵午市御膳有16款，刺身、壽司、和食、丼飯、定食等，諗得到嘅日式午餐選擇都有，不過在於我呢個刺身控嘅講，特上刺身御膳當然係不二之選啦。唔食刺身嘅老婆就揀左佢鍾意嘅銀鱈魚西京燒午餐。每款御膳都包括沙律、茶碗蒸、蒸飯、味噌湯、甜品同餐飲，如果點和食仲多一客2款嘅刺身，非常豐富。柚子紫薯沙律是日沙律用紫薯蓉配柚子汁，味道非常新鮮，沙律菜仲有冰菜係入面，混有柚子汁食，相當醒胃。😙茶碗蒸呢個茶碗蒸口感好滑溜，蛋味好濃又唔會太咸，中間加上白果點綴，令味道更有層次。👍雜錦刺身(2款)由於老婆唔食刺食，佢跟餐的雜錦刺身我可以享用埋