Unbothered (Closed)

以前大家一聽到去蘭桂坊，都係諗住係夜晚先會去，但係今個星期日我就同朋友去咗位於蘭桂坊嘅一間cafe unbothered食下午茶。 入面有好多街頭小食, 我要咗魚蛋燒賣雙拼同埋雞軟骨。 魚蛋同燒賣各有六粒 ，佢啲燒賣幾好食， 有啲彈牙。嘢飲就要咗熱朱古力鮮奶伯爵茶， 估唔到佢連熱朱古力上邊都有個心心拉花，見到咁靚拉花咁少不免打一陣卡。餐廳還有其他嘅輕食，例如鹽酥雞粒，雞軟骨，炸雞翼，香脆蜜汁腸， 另外佢仲有杏仁糊，同埋腰果露等的甜品糖水，鍾意食碗麵嘅朋友都有唔少選擇㗎，餐廳有番茄牛肉麵，媽子煮雞酒麵等等。餐廳環境整潔乾淨，裝修富有特色，門口有一隻巨型夾子，順著樓梯上去二樓會坐得比較舒適闊落， 樓上有幾張嘅高腳凳和高腳枱。 二樓仲有一個小露台，坐喺露台食住下午茶，睇住樓下嘅街景，令人有放鬆舒適嘅感覺。繁華鬧市的中環有一間咁嘅cafe，真係同朋友hight tee 嘅好地方。