禾庭手工火鍋 (Closed)

約咗好友星期六喺銅鑼灣食晏， 選擇非常多而且冇咁多上班族人流較少，坐得舒服啲可以 hea 住食。朋友推介「禾庭手工火鍋」 坐低慢慢食慢慢傾。地點就非常就腳， 銅鑼灣站C出口行過對面馬路地舖。湯底好多選擇， 款款都精心設計唔係一般火鍋店嘅款式。 最後揀了「火焰鮮鮑魚花蛤大盤雞煲」。 絕對係惹味之選， 店員淋上酒精， 熱力散發出陣陣酒香。 秘製醬汁濃香惹味！ 大量洋蔥，芹菜，芫茜和雞煲香料， 香氣撲鼻令人垂涎～有4隻鮑魚， 肉質彈牙，超大花甲份量不少， 吸滿惹味嘅醬汁。 半隻雞嘅份量， 件件都啖啖肉， 基本上吃畢這鍋已經半飽， 非常豐富！茶里王無糖綠茶$18，茶里王無糖烏龍茶$18/ 跟餐加 $5想點嘅樽仔奶茶售罄 ～比較喜歡無糖烏龍茶， 茶味夠香。白鱔片$108擺盤好靚。 鱔片大塊 ，非常新鮮， 沒有細骨， 入囗肥美鮮甜。手作芫茜皮蛋豚肉餃$68都係手工貨式，非常推介！芫茜同皮蛋已經超夾， 味道突出， 混入豚肉非常鮮味， 大大隻入口滿足美味！！娃娃菜$48夠嫩夠甜又唔會吸太多嘅油份。酸菜魚片小鍋米線套餐$68同時間吃完雞煲又想食酸菜魚就最啱～ 酸菜魚片肉唔算嫩但啖啖肉， 湯底好清唔油膩，