HABO室內釣蝦場 (Closed)

拍拖假期唔知去邊好，出街又驚熱，男朋友搵到呢度又好玩又有野食，都幾得意！一去到職員就會安排我哋位置，然後比蝦餌，再教點樣去釣。釣到幾多就睇最後抽上黎果下，話難唔難，易又唔易。特別係釣左咁耐，數到店員總共放左3次蝦。每次放都會大啲機會。最後都成功釣到2隻，最主要都係傾下又玩下。時間到，店仲會用唔同方法炮製大頭蝦。好細心提供紙巾同手套。醬汁好惹味，幾乎每一隻蝦頭都有膏，另外仲叫左雞翼$50@5隻。店入面無正餐，唔好諗住會食好飽，主要係玩下又有啲野咬下咁。